Кафисма 16

[-] Свернуть

Псалом 109

Добавить в Любимые закладки

Псалом Давиду	Аллилуиа, псалом Давида.
1 Рече Господь Господеви моему: седи одесную Мене, дондеже положу враги Твоя подножие ног Твоих.	1 Сказал Господь Господу моему: "Сиди справа от Меня, доколе не положу врагов Твоих подножием ног Твоих".
2 Жезл силы послет ти Господь от Сиона, и господствуй посреде врагов Твоих.	2 Жезл силы пошлёт Тебе Господь с Сиона, – и господствуй среди врагов Твоих!
3 С Тобою начало в день силы Твоея, во светлостех святых Твоих, из чрева прежде денницы родих Тя.	3 С Тобою власть в день силы Твоей, в блистаниях святых Твоих. "Из чрева прежде утренней звезды Я родил Тебя", –
4 Клятся Господь и не раскается: Ты иерей во век, по чину Мелхиседекову.	4 клялся Господь, и не раскается: "Ты – священник вовек, по чину Мелхиседека".
5 Господь одесную Тебе сокрушил есть в день гнева Своего цари.	5 Господь справа от Тебя сокрушил в день гнева Своего царей;
6 Судит во языцех, исполнит падения, сокрушит главы на земли многих.	6 совершит суд среди народов, исполнит число павших, сокрушит на земле головы многих.
7 От потока на пути пиет, сего ради вознесет главу.	7 Из потока на пути будет пить, поэтому поднимет голову.

 

Рече Господь Господеви моему: седи одесную Мене, дондеже положу враги Твоя подножие ног Твоих. Жезл силы послет ти Господь от Сиона, и господствуй посреде врагов Твоих. С Тобою начало в день силы Твоея, во светлостех святых Твоих, из чрева прежде денницы родих Тя. Клятся Господь и не раскается: Ты иерей во век, по чину Мелхиседекову. Господь одесную Тебе сокрушил есть в день гнева Своего цари. Судит во языцех, исполнит падения, сокрушит главы на земли многих. От потока на пути пиет, сего ради вознесет главу.

Псалом 110

Добавить в Любимые закладки

Аллилуиа	Аллилуиа.
1 Исповемся Тебе, Господи, всем сердцем моим в совете правых и сонме.	1 Я прославлю Тебя, Господи, всем сердцем моим в совете прямодушных и собрании.
2 Велия дела Господня, изыскана во всех волях Его.	2 Велики дела Господни, исполнены по всем желаниям Его:
3 Исповедание и великолепие дело Его и правда Его пребывает в век века.	3 славословие и великолепие – дело Его, и правда Его пребывает во век века.
4 Память сотворил есть чудес Своих, Милостив и Щедр Господь.	4 Сделал Он памятными чудеса Свои; милостив и сострадателен Господь:
5 Пищу даде боящымся Его, помянет в век завет Свой.	5 пищу дал боящимся Его, будет помнить вовек завет Свой.
6 Крепость дел Своих возвести людем Своим, дати им достояние язык.	6 Силу дел Своих возвестил народу Своему, чтобы дать им наследие племён.
7 Дела рук Его истина и суд, верны вся заповеди Его,	7 Дела рук Его – истина и суд, верны все заповеди Его,
8 утвержены в век века, сотворены во истине и правоте.	8 утверждены во век века, совершены в истине и правоте.
9 Избавление посла людем Своим: заповеда в век завет Свой. Свято и страшно имя Его.	9 Избавление послал народу Своему, заповедал навек завет Свой; свято и страшно имя Его.
10 Начало премудрости страх Господень, разум же благ всем творящым и. Хвала Его пребывает в век века.	10 Начало премудрости – страх Господень, а разум добрый – всем творящим веления её. Хвала Ему пребывает во век века.

 

Исповемся Тебе, Господи, всем сердцем моим в совете правых и сонме. Велия дела Господня, изыскана во всех волях Его. Исповедание и великолепие дело Его и правда Его пребывает в век века. Память сотворил есть чудес Своих, Милостив и Щедр Господь. Пищу даде боящымся Его, помянет в век завет Свой. Крепость дел Своих возвести людем Своим, дати им достояние язык. Дела рук Его истина и суд, верны вся заповеди Его, утвержены в век века, сотворены во истине и правоте. Избавление посла людем Своим: заповеда в век завет Свой. Свято и страшно имя Его. Начало премудрости страх Господень, разум же благ всем творящым и. Хвала Его пребывает в век века.

Псалом 111

Добавить в Любимые закладки

Аллилуиа, Аггеево и Захариино	Аллилуиа, Аггея и Захарии.
1 Блажен муж, бояйся Господа, в заповедех Его восхощет зело.	1 Блажен муж, боящийся Господа, заповеди Его он возлюбит крепко.
2 Сильно на земли будет семя eго, род правых благословится:	2 Сильным на земле будет семя его, род правых благословится:
3 слава и богатство в дому eго, и правда eго пребывает в век века.	3 слава и богатство в доме его, и правда его пребывает во век века.
4 Возсия во тме свет правым, милостив и щедр, и праведен.	4 Взошёл во тьме свет правым: он милостив, и щедр, и праведен.
5 Благ муж, щедря и дая: устроит словеса своя на суде, яко в век не подвижится.	5 Благ муж, милующий и дающий взаймы, подберёт он слова свои на суде, ибо вовек не поколеблется.
6 В память вечную будет праведник.	6 Вечно в памяти будет праведник,
7 От слуха зла не убоится,	7 от злой молвы не убоится:
8 готово сердце eго уповати на Господа. Утвердися сердце eго, не убоится, дондеже воззрит на враги своя.	8 готово сердце его уповать на Господа. Утверждено сердце его, он не убоится, доколе не посмотрит на врагов своих.
9 Расточи, даде убогим, правда eго пребывает во век века, рог eго вознесется в славе.	9 Расточил он, дал бедным, – правда его пребывает во век века, рог его вознесется в славе.
10 Грешник узрит и прогневается, зубы своими поскрежещет и растает, желание грешника погибнет.	10 Грешник увидит и разгневается, зубами своими заскрежещет и истает; желание грешника погибнет.
Слава:	Слава:

 

Блажен муж, бояйся Господа, в заповедех Его восхощет зело. Сильно на земли будет семя его, род правых благословится: слава и богатство в дому его, и правда его пребывает в век века. Возсия во тме свет правым, милостив и щедр, и праведен. Благ муж, щедря и дая: устроит словеса своя на суде, яко в век не подвижится. В память вечную будет праведник. От слуха зла не убоится, готово сердце его уповати на Господа. Утвердися сердце его, не убоится, дондеже воззрит на враги своя. Расточи, даде убогим, правда его пребывает во век века, рог его вознесется в славе. Грешник узрит и прогневается, зубы своими поскрежещет и растает. Желание грешника погибнет.

Слава:

Псалом 112

Добавить в Любимые закладки

Аллилуиа	Аллилуиа.
1 Хвалите, отроцы, Господа, хвалите имя Господне.	1 Хвалите, отроки, Господа, хвалите имя Господне!
2 Буди имя Господне благословенно отныне и до века.	2 Да будет имя Господне благословенно отныне и до века.
3 От восток солнца до запад хвально имя Господне.	3 От востока солнца до запада восхваляют имя Господне.
4 Высок над всеми языки Господь: над небесы слава Его.	4 Высок во всех народах Господь, выше небес слава Его.
5 Кто яко Господь Бог наш? На высоких живый	5 Кто, как Господь, Бог наш, на высотах живущий
6 и на смиренныя призираяй на небеси и на земли,	6 и дольнее озирающий, на небе и на земле?
7 воздвизаяй от земли нища и от гноища возвышаяй убога,	7 Поднимает Он с земли нищего и из грязи возвышает бедного,
8 посадити eго с князи, с князи людей своих,	8 чтобы посадить его с князьями, с князьями народа Своего;
9 вселяя неплодовь в дом матерь о чадех веселящуся.	9 поселяет неплодную в дом матерью, о детях веселящеюся.

 

Хвалите, отроцы, Господа, хвалите имя Господне. Буди имя Господне благословенно отныне и до века. От восток солнца до запад хвально имя Господне. Высок над всеми языки Господь: над небесы слава Его. Кто яко Господь Бог наш? В высоких живый и на смиренныя призираяй на небеси и на земли, воздвизаяй от земли нища и от гноища возвышаяй убога, посадити его с князи, с князи людей своих. Вселяя неплодовь в дом матерь о чадех веселящуся.

Псалом 113

Добавить в Любимые закладки

Аллилуиа	Аллилуиа.
1 Во исходе Израилеве от Египта, дому Иаковля из людей варвар,	1 По исходе Израиля из Египта, дома Иакова из народа чуждого,
2 бысть Иудеа святыня Его, Израиль область Eго.	2 стала Иудея святыней Его, Израиль – владением Его.
3 Море виде и побеже, Иордан возвратися вспять,	3 Море увидело – и побежало, Иордан обратился вспять,
4 горы взыграшася, яко овни, и холми, яко агнцы овчии.	4 горы стали скакать, как овны, и холмы, как ягнята у овец.
5 Что ти есть, море, яко побегло еси? И тебe, Иордане, яко возвратился еси вспять?	5 Что тебе, море, что ты побежало, и тебе Иордан, что обратился ты вспять?
6 Горы, яко взыграстеся, яко овни, и холми, яко агнцы овчии?	6 Горы, что вы стали скакать, как овны, и холмы, как ягнята у овец?
7 От лица Господня подвижеся земля, от лица Бога Иаковля,	7 От лица Господня потряслась земля, от лица Бога Иакова,
8 обращшаго камень во езера водная и несекомый во источники водныя.	8 обратившего скалу в озёра вод и утёс в источники вод.
9 Не нам, Господи, не нам, но имени Твоему даждь славу, о милости Твоей и истине Твоей.	9 Не нам, Господи, не нам, но имени Твоему дай славу, по милости Твоей и истине Твоей,
10 Да не когда рекут языцы: где есть Бог их?	10 чтобы никогда не сказали язычники: "Где Бог их?"
11 Бог же наш на небеси и на земли, вся елика восхоте, сотвори.	11 Бог же наш на небесах и на земле всё, что восхотел, сотворил.
12 Идоли язык сребро и злато, дела рук человеческих.	12 Идолы язычников – серебро и золото, дело рук человеческих:
13 Уста имут, и не возглаголют, очи имут и не узрят,	13 уста имеют – и не заговорят, глаза имеют – и не увидят,
14 уши имут, и не услышат, ноздри имут, и не обоняют,	14 уши имеют – и не услышат, ноздри имеют – и не обоняют,
15 руце имут, и не осяжут, нозе имут, и не пойдут, не возгласят гортанем своим.	15 руки имеют – и не осязают, ноги имеют – и не пойдут, не издадут звука гортанью своей.
16 Подобни им да будут творящии я, и вси надеющиися на ня.	16 Подобны им да будут делающие их, и все, надеющиеся на них.
17 Дом Израилев упова на Господа: Помощник и Защититель им есть.	17 Дом Израилев уповал на Господа, Он – помощник и защитник их.
18 Дом Ааронь упова на Господа: Помощник и Защититель им есть.	18 Дом Ааронов уповал на Господа, Он – помощник и защитник их.
19 Боящиися Господа уповаша на Господа: Помощник и Защититель им есть.	19 Боящиеся Господа уповали на Господа, Он – помощник и защитник их.
20 Господь помянув ны благословил есть нас, благословил есть дом Израилев, благословил есть дом Ааронь,	20 Господь, вспомнив о нас, благословил нас, благословил дом Израилев, благословил дом Ааронов,
21 благословил есть боящыяся Господа, малыя с великими.	21 благословил боящихся Господа, малых с великими.
22 Да приложит Господь на вы, на вы и на сыны ваша.	22 Да прибавит Господь вам, вам и сынам вашим:
23 Благословени вы Господеви, сотворшему небо и землю.	23 благословенны вы у Господа, сотворившего небо и землю.
24 Небо небесе Господеви, землю же даде сыновом человеческим.	24 Небо небес – Господу, а землю Он дал сынам человеческим.
25 Не мертвии восхвалят Тя, Господи, ниже вси низходящии во ад,	25 Не мёртвые восхвалят Тебя, Господи, и не все нисходящие во ад,
26 но мы, живии, благословим Господа отныне и до века.	26 но мы, живые, благословим Господа, отныне и до века.

 

Во исходе Израилеве от Египта, дому Иаковля из людей варвар, бысть Иудеа святыня Его, Израиль область его. Море виде и побеже, Иордан возвратися вспять, горы взыграшася, яко овни, и холми, яко агнцы овчии. Что ти есть, море, яко побегло еси? И тебe, Иордане, яко возвратился еси вспять? Горы, яко взыграстеся, яко овни, и холми, яко агнцы овчии? 0т лица Господня подвижеся земля, от лица Бога Иаковля, обращшаго камень во езера водная и несекомый во источники водныя. Не нам, Господи, не нам, но имени Твоему даждь славу, о милости Твоей и истине Твоей. Да не когда рекут языцы: где есть Бог их? Бог же наш на небеси и на земли, вся елика восхоте, сотвори. Идоли язык сребро и злато, дела рук человеческих. Уста имут, и не возглаголют, очи имут и не узрят, уши имут, и не услышат, ноздри имут, и не обоняют, руце имут, и не осяжут, нозе имут, и не пойдут, не возгласят гортанем своим. Подобни им да 6удут творящии я, и вси надеющиися на ня. Дом Израилев упова на Господа: Помощник и Защититель им есть. Дом Ааронь упова на Господа: Помощник и Защититель им есть. Боящиися Господа уповаша на Господа: Помощник и Защититель им есть. Господь помянув ны благословил есть нас, благословил есть дом Израилев, благословил есть дом Ааронь, благословил есть боящыяся Господа, малыя с великими. Да приложит Господь на вы, на вы и на сыны вашя. Благословени вы Господеви, Сотворшему небо и землю. Небо небесе Господеви, землю же даде сыновом человеческим. Не мертвии восхвалят Тя, Господи, ниже вси низходящии во ад, но мы, живии, благословим Господа отныне и до века.

Псалом 114

Добавить в Любимые закладки

Аллилуиа	Аллилуиа.
1 Возлюбих, яко услышит Господь глас моления моего,	1 Я возлюбил, потому что услышит Господь глас моления моего,
2 яко приклони ухо Свое мне, и во дни моя призову.	2 ибо склонил Он ухо Своё ко мне, и во все дни мои буду Его призывать.
3 Объяша мя болезни смертныя, беды адовы обретоша мя, скорбь и болезнь обретох, и имя Господне призвах:	3 Охватили меня муки смертные, беды ада постигли меня; скорбь и муку я встретил и имя Господне призвал:
4 о, Господи, избави душу мою. Милостив Господь и Праведен, и Бог наш милует.	4 "О Господи, избавь душу мою!" Милостив Господь и праведен, и Бог наш милует.
5 Храняй младенцы Господь: смирихся, и спасе мя.	5 Хранит младенцев Господь: я смирился, и Он спас меня.
6 Обратися, душе моя, в покой твой, яко Господь благодействова тя.	6 Возвратись, душа моя, к покою твоему, ибо Господь облагодетельствовал тебя;
7 Яко изъят душу мою от смерти, очи мои от слез и нозе мои от поползновения.	7 ибо Он избавил душу мою от смерти, очи мои от слёз и ноги мои от преткновения.
8 Благоугожду пред Господем во стране живых.	8 Буду угоден Господу на земле живых!
Слава:	Слава:

 

Возлюбих, яко услышит Господь глас моления моего, яко приклони ухо Свое мне, и во дни моя призову. Объяша мя болезни смертныя, беды адовы обретоша мя, скорбь и болезнь обретох, и имя Господне призвах: о, Господи, избави душу мою. Милостив Господь и Праведен, и Бог наш милует. Храняй младенцы Господь: смирихся, и спасе мя. Обратися, душе моя, в покой твой, яко Господь благодействова тя. Яко изъят душу мою от смерти, очи мои от слез и нозе мои от поползновения. Благоугожду пред Господем во стране живых.

Слава:

Псалом 115

Добавить в Любимые закладки

Аллилуиа	Аллилуиа.
1 Веровах, темже возглаголах, аз же смирихся зело.	1 Я уверовал, потому стал говорить; но я был унижен сильно.
2 Аз же рех во изступлении моем: всяк человек ложь.	2 И сказал я в омрачении моём: "Всякий человек – лжец".
3 Что воздам Господеви о всех, яже воздаде ми?	3 Что воздам я Господу за всё, что Он воздал мне?
4 Чашу спасения прииму и имя Господне призову,	4 Чашу спасения приму и имя Господне призову,
5 молитвы моя Господеви воздам пред всеми людьми Его.	5 обеты мои Господу воздам пред всем народом Его.
6 Честна пред Господем смерть преподобных Его.	6 Драгоценна пред Господом смерть святых Его.
7 О, Господи, аз раб Твой, аз раб Твой и сын рабыни Твоея; растерзал еси узы моя.	7 О Господи, я – раб Твой, я – раб Твой и сын рабыни Твоей. Ты разорвал узы мои,
8 Тебе пожру жертву хвалы, и во имя Господне призову.	8 Тебе принесу жертву хвалы и во имя Господне воззову,
9 Молитвы моя Господеви воздам пред всеми людьми Его,	9 обеты мои Господу воздам пред всем народом Его,
10 во дворех дому Господня, посреде тебе, Иерусалиме.	10 во дворах дома Господня, посреди тебя, Иерусалим.

 

Веровах, темже возглаголах, аз же смирихся зело. Аз же рех во изступлении моем: всяк человек ложь. Что воздам Господеви о всех, яже воздаде ми? Чашу спасения прииму и Имя Господне призову, молитвы моя Господеви воздам пред всеми людьми Его. Честна пред Господем смерть преподобных Его. О, Господи, аз раб Твой, аз раб Твой и сын рабыни Твоея; растерзал еси узы моя. Тебе пожру жертву хвалы, и во Имя Господне призову. Молитвы моя Господеви воздам пред всеми людьми Его, во дворех дому Господня, посреде тебе, Иерусалиме.

Псалом 116

Добавить в Любимые закладки

Аллилуиа	Аллилуиа.
1 Хвалите Господа вси языцы, похвалите Его вси людие,	1 Хвалите Господа, все народы, восхвалите Его, все племена,
2 яко утвердися милость Его на нас, и истина Господня пребывает во век.	2 ибо утвердилась милость Его на нас, и истина Господня пребывает вовек.

 

Хвалите Господа вси языцы, похвалите Его вси людие, яко утвердися милость Его на нас, и истина Господня пребывает во век.

Псалом 117

Добавить в Любимые закладки

Аллилуиа	Аллилуиа.
1 Исповедайтеся Господеви, яко Благ, яко в век милость Его.	1 Прославляйте Господа, ибо Он благ, ибо вовек милость Его!
2 Да речет убо дом Израилев: яко Благ, яко в век милость Его.	2 Пусть же скажет дом Израилев, что Он благ, что вовек милость Его;
3 Да речет убо дом Ааронь: яко Благ, яко в век милость Его.	3 пусть же скажет дом Ааронов, что Он благ, что вовек милость Его;
4 Да рекут убо вси боящиися Господа: яко Благ, яко в век милость Его.	4 пусть же скажут все боящиеся Господа, что Он благ, что вовек милость Его.
5 От скорби призвах Господа, и услыша мя в пространство.	5 От скорби я призвал Господа, и Он услышал меня и вывел на простор.
6 Господь мне Помощник, и не убоюся, что сотворит мне человек.	6 Господь мне помощник, и не убоюсь: что сделает мне человек?
7 Господь мне Помощник, и аз воззрю на враги моя.	7 Господь мне помощник, и я посмотрю на врагов моих.
8 Благо есть надеятися на Господа, нежели надеятися на человека.	8 Лучше надеяться на Господа, чем надеяться на человека;
9 Благо есть уповати на Господа, нежели уповати на князи.	9 лучше уповать на Господа, чем уповать на князей.
10 Вси языцы обыдоша мя, и именем Господним противляхся им,	10 Все народы окружили меня, но я именем Господним воспротивился им;
11 обышедше обыдоша мя, и именем Господним противляхся им,	11 обступив, окружили меня, но я именем Господним воспротивился им;
12 обыдоша мя, яко пчелы сот, и разгорешася, яко огнь в тернии, и именем Господним противляхся им.	12 окружили меня, как пчёлы сот, и разгорелись, как огонь в терниях, но я именем Господним воспротивился им;
13 Отриновен превратихся пасти, и Господь прият мя.	13 толкнули меня, и я готов был упасть, но Господь поддержал меня.
14 Крепость моя и пение мое Господь, и бысть ми во спасение.	14 Крепость моя и пение моё Господь, и сделался Он мне спасением.
15 Глас радости и спасения в селениих праведных: десница Господня сотвори силу.	15 Глас радости и спасения в жилищах праведных: десница Господня явила силу!
16 Десница Господня вознесе мя, десница Господня сотвори силу.	16 Десница Господня возвысила меня, десница Господня явила силу!
17 Не умру, но жив буду, и повем дела Господня.	17 Не умру, но буду жить и возвещу дела Господни.
18 Наказуя наказа мя Господь, смерти же не предаде мя.	18 Наставляя, наказал меня Господь, смерти же не предал меня.
19 Отверзите мне врата правды, вшед в ня исповемся Господеви.	19 Отворите мне врата правды, войдя в них, я прославлю Господа.
20 Сия врата Господня, праведнии внидут в ня.	20 Это – врата Господни, праведные войдут в них.
21 Исповемся Тебе, яко услышал мя еси, и был еси мне во спасение.	21 Я прославлю Тебя, ибо Ты услышал меня и сделался моим спасением.
22 Камень, eгоже небрегоша зиждущии, сей бысть во главу угла:	22 Камень, который отвергли строители, он оказался во главе угла:
23 от Господа бысть сей, и есть дивен во очесех наших.	23 от Господа это было, и дивно в очах наших.
24 Сей день, eгоже сотвори Господь, возрадуемся и возвеселимся в онь.	24 Это день, который сотворил Господь, возрадуемся и возвеселимся в оный!
25 О, Господи, спаси же, о Господи, поспеши же.	25 О Господи, спаси же, о Господи, благопоспеши же!
26 Благословен грядый во имя Господне, благословихом вы из дому Господня.	26 Благословен Грядущий во имя Господне, благословили мы вас из дома Господня;
27 Бог Господь, и явися нам: составите праздник во учащающих до рог олтаревых.	27 Бог – Господь, и Он явился нам! Устройте праздник среди толпящихся до рогов жертвенника!
28 Бог мой еси Ты, и исповемся Тебе, Бог мой еси Ты, и вознесу Тя. Исповемся Тебе, яко услышал мя еси, и был еси мне во спасение.	28 Бог мой Ты, и я прославлю Тебя, Бог мой Ты, и превознесу Тебя: я прославлю Тебя, ибо Ты услышал меня и сделался моим спасением.
29 Исповедайтеся Господеви, яко Благ, яко в век милость Его.	29 Прославляйте Господа, ибо Он благ, ибо вовек милость Его.
Слава:	Слава:

 

Исповедайтеся Господеви, яко Благ, яко в век милость Его. Да речет убо дом Израилев: яко Благ, яко в век милость Его. Да речет убо дом Ааронь: яко Благ, яко в век милость Его. Да рекут убо вси боящиися Господа: яко Благ, яко в век милость Его. От скорби призвах Господа, и услыша мя в пространство. Господь мне Помощник, и не убоюся, что сотворит мне человек. Господь мне Помощник, и аз воззрю на враги моя. Благо есть надеятися на Господа, нежели надеятися на человека. Благо есть уповати на Господа, нежели уповати на князи. Вси языцы обыдоша мя, и именем Господним противляхся им, обышедше обыдоша мя, и именем Господним противляхся им, обыдоша мя, яко пчелы сот, и разгорешася, яко огнь в тернии, и именем Господним противляхся им. Отриновен превратихся пасти, и Господь прият мя. Крепость моя и пение мое Господь, и бысть ми во спасение. Глас радости и спасения в селениих праведных: десница Господня сотвори силу, десница Господня вознесе мя, десница Господня сотвори силу. Не умру, но жив буду, и повем дела Господня. Наказуя наказа мя Господь, смерти же не предаде мя. Отверзите мне врата правды, вшед в ня исповемся Господеви. Сия врата Господня, праведнии внидут в ня. Исповемся Тебе, яко услышал мя еси, и был еси мне во спасение. Камень, егоже небрегоша зиждущии, сей бысть во главу угла: от Господа бысть сей, и есть дивен во очесех наших. Сей день, егоже сотвори Господь, возрадуемся и возвеселимся вонь. О, Господи, спаси же, о Господи, поспеши же. Благословен Грядый во имя Господне, благословихом вы из дому Господня. Бог Господь, и явися нам: составите праздник во учащающих до рог олтаревых. Бог мой еси Ты, и исповемся Тебе, Бог мой еси Ты, и вознесу Тя. Исповемся Тебе, яко услышал мя еси, и был еси мне во спасение. Исповедайтеся Господеви, яко Благ, яко в век милость Его.

Слава:

По 16-й кафисме

Добавить в Любимые закладки

Трисвятое по Отче наш:	Трисвятое по Отче наш:
Таже тропари, глас 1: Ин мир тебе, душе, ожидает, и Судия хощет Твоя обличити тайная и лютая. Не пребуди убо в здешних, но предвари вопиющи Судии: Боже, очисти мя и спаси мя.	Тропари, глас 1: Иной мир тебя, душа, ожидает, и Судия намерен обличить дела твои тайные и злые. Не пребудь же погружённой в земное, но прежде конца воззови к Судии: "Боже, очисти меня и спаси меня!"
Слава: Яко прегрешеньми многими и язвами безмерными облежимь есмь, Спасе, согрешаяй молю Твое благоутробие, Христе: врачу недугующих, посети, и исцели, и спаси мя.	Слава: Грехами многими и язвами бесчисленными я объят, Спаситель, согрешая, но молю Твоё милосердие, Христе: "Врач недужных, посети, и исцели, и спаси меня!"
И ныне: Душе моя, что нерадиво живеши ленящися? Что не печешися о злых, ихже содеяла еси в житии? Потщися исправитися прежде даже дверь не заключит Тебе Господь. Богородице притецы, припади и возопий: Упование ненадеемых, спаси мя, много к Тебе прегрешивша, Владычице Пречистая.	И ныне: Душа моя, что нерадиво живёшь в лености? Что не беспокоишься о злых делах, которые совершила в жизни? Постарайся исправиться прежде, чем дверь заключит тебе Господь. К Богородице прибегни, припади и воззови: "Надежда безнадежных, спаси меня, много пред Тобою согрешившего, Владычица Пречистая!"
Господи, помилуй (40) и молитва:	Господи, помилуй (40) и молитва:
Господи Святый, в Вышних Живый, и всевидяшим Твоим оком призираяй на всю тварь, Тебе приклоняем выю души и телесе, и Тебе молимся, Святый святых: простри руку Твою невидимую от святаго жилища Твоего, и благослови вся ны, и прости нам всякое согрешение, вольное же и невольное, словом или делом. Даруй нам, Господи, умиление, даруй слезы духовныя от души, во очищение многих наших грехов, даруй велию Твою милость на мир Твой и на ны недостойныя рабы Твоя. Яко благословено и препрославлено есть имя Твое, Отца и Сына и Святаго Духа, ныне и присно, и во веки веков, аминь.	Господи Святой, в вышних живущий и всевидящим Твоим оком зрящий всё творение! Пред Тобою мы склоняемся душою и телом, и Тебе молимся, Святой святых: простри руку Твою невидимую от святого жилища Твоего, и благослови всех нас, и прости нам всякое согрешение, как вольное, так и невольное, словом или делом. Даруй нам, Господи, умиление, даруй слёзы духовные от души, для очищения многих наших грехов, даруй великую Твою милость миру Твоему и нам, недостойным рабам Твоим. Ибо благословенно и преславно имя Твоё, Отца и Сына и Святого Духа, ныне, и всегда, и во веки веков. Аминь.

 

Таже тропари, глас 1: Ин мир тебе, душе, ожидает, и Судия хощет твоя обличити тайная и лютая. Не пребуди убо в здешних, но предвари вопиющи Судии: Боже, очисти мя и спаси мя.

Слава: Яко прегрешеньми многими и язвами безмерными облежимь есмь, Спасе, согрешаяй молю Твое благоутробие, Христе врачу недугующих, посети, и исцели, и спаси мя.

И ныне: Душе моя, что нерадиво живеши ленящися? Что не печешися о злых, иже содеяла еси в житии? Потщися исправитися прежде даже дверь не заключит тебе Господь. Богородице притецы, припади и возопий: Упование ненадеемых, спаси мя, много к Тебе прегрешивша, Владычице Пречистая.

Господи, помилуй (40) и молитва:

Господи Святый, в Вышних Живый, и всевидяшим Твоим оком Призираяй на всю тварь, Тебе приклоняем выю души и телесе, и Тебе молимся, Святый святых: простри руку Твою невидимую от святаго жилища Твоего, и благослови вся ны, и прости нам всякое согрешение, вольное же и невольное, словом или делом. Даруй нам, Господи, умиление, даруй слезы духовныя от души, во очищение многих наших грехов, даруй велию Твою милость на мир Твой и на ны недостойныя рабы Твоя. Яко благословено и препрославлено есть имя Твое, Отца и Сына и Святаго Духа, ныне и присно, и во веки веков, аминь.