Кафисма 15

[-] Свернуть

Псалом 105

Добавить в Любимые закладки

Аллилуиа	Аллилуиа.
1 Исповедайтеся Господеви, яко Благ, яко в век милость. Его.	1 Прославляйте Господа, ибо Он благ, ибо вовек милость Его.
2 Кто возглаголет силы Господни? Слышаны сотворит вся хвалы Его?	2 Кто изречёт могущество Господа, сделает слышными все хвалы Его?
3 Блажени хранящии суд и творящии правду во всякое время.	3 Блаженны хранящие суд и творящие правду во всякое время.
4 Помяни нас, Господи, во благоволении людей Твоих, посети нас спасением Твоим.	4 Вспомни нас, Господи, во благоволении к народу Твоему, посети нас спасением Твоим,
5 Видети во благости избранныя Твоя, возвеселитися в веселии языка Твоего, хвалитися с достоянием Твоим.	5 чтобы увидеть его в благости к избранникам Твоим, возвеселиться в веселии народа Твоего, хвалиться с наследием Твоим.
6 Согрешихом со отцы нашими, беззаконновахом, неправдовахом.	6 Согрешили мы с отцами нашими, совершили беззаконие, неправду.
7 Отцы наши во Египте не разумеша чудес Твоих, ни помянуша множества милости Твоея и преогорчиша восходяще в Чермное море.	7 Отцы наши в Египте не уразумели чудес Твоих, не вспомнили множества милости Твоей, и возроптали, входя в Красное море.
8 И спасе их имене Своего ради, сказати силу Свою,	8 И спас Он их ради имени Своего, чтобы явить могущество Своё,
9 и запрети Чермному морю, и изсяче, и настави я в бездне, яко в пустыни.	9 и пригрозил Красному морю, и оно иссохло, и повёл их по бездне, как по пустыне,
10 И спасе я из руки ненавидящих, и избави я из руки врагов.	10 и спас их из руки ненавидящих их, и избавил их из руки врагов:
11 Покры вода стужающыя им, ни един от них избысть.	11 покрыла вода притеснителей их, ни одного из них не осталось.
12 И вероваша словеси Его, и воспеша хвалу Его.	12 И поверили они слову Его, и воспели хвалу Ему.
13 Ускориша, забыша дела Его, не стерпеша совета Его	13 Скоро забыли дела Его, не дождались Его изволения,
14 и похотеша желанию в пустыни, и искусиша Бога в безводней.	14 и возгорелись желанием в пустыне, и искусили Бога в безводной.
15 И даде им прошение их, посла сытость в душы их.	15 И Он дал им по просьбе их, послал насыщение душам их.
16 И прогневаша Моисеа в стану, Аарона святаго Господня.	16 И разгневали Моисея в стане, Аарона, святого Господня:
17 Отверзеся земля и пожре Дафана, и покры на сонмищи Авирона,	17 отверзлась земля и поглотила Дафана, и покрыла сборище Авирона,
18 и разжжеся огнь в сонме их, пламень попали грешники.	18 и возгорелся огонь в сборище их, пламя попалило грешников.
19 И сотвориша тельца в Хориве, и поклонишася истуканному,	19 И сделали тельца у Хорива, и поклонились истукану,
20 и измениша славу Его в подобие тельца ядущаго траву,	20 и променяли славу Его на подобие тельца, который ест траву.
21 и забыша Бога спасающаго их, сотворшаго велия во Египте,	21 И забыли Бога, спасающего их, сотворившего великое в Египте,
22 чудеса в земли Хамове, страшная в мори Чермнем.	22 чудеса в земле Хамовой, страшное у Красного моря.
23 И рече потребити их, аще не бы Моисей, избранный Его, стал в сокрушении пред Ним, возвратити ярость Его, да не погубит их.	23 И сказал Он, что погубит их, если бы Моисей, избранник Его, не стал при поражении пред Ним, чтобы отвратить гнев Его, – да не погубит их.
24 И уничижиша землю желанную, не яша веры словеси Его,	24 И пренебрегли землёю желанной, не поверили слову Его
25 и поропташа в селениих своих, не услышаша гласа Господня.	25 и возроптали в шатрах Своих, не послушались гласа Господня.
26 И воздвиже руку Свою на ня, низложити я в пустыни.	26 И поднял Он руку Свою на них, чтобы низложить их в пустыне,
27 И низложити семя их во языцех, и расточити я в страны.	27 и низложить семя их среди племён, и рассеять их по землям.
28 И причастишася Веельфегору, и снедоша жертвы мертвых.	28 И приобщились они к Веельфегору, и ели жертвы мёртвым,
29 И раздражиша Eго в начинаниих своих, и умножися в них падение.	29 и раздражали Его своими нравами, и начался среди них мор великий.
30 И ста Финеес, и умилостиви, и преста сечь.	30 И встал Финеес, и умилостивил Его, и поражение прекратилось,
31 И вменися eму в правду, в род и род до века.	31 и зачтено ему было в праведность в род и род до века.
32 И прогневаша Его на воде пререкания, и озлоблен бысть Моисей их ради,	32 И прогневали Его у воды пререкания, и Моисей пострадал из-за них,
33 яко преогорчиша дух eго и разнствова устнама своима.	33 ибо они огорчили дух его, и он раздвоился устами своими.
34 Не потребиша языки, яже рече Господь им,	34 Не истребили народов, о которых Господь сказал им,
35 и смесишася во языцех, и навыкоша делом их.	35 но смешались с язычниками и научились делам их.
36 И поработаша истуканным их, и бысть им в соблазн,	36 И служили истуканам их, и те стали им преткновением,
37 и пожроша сыны своя и дщери своя бесовом,	37 и принесли сыновей своих и дочерей своих в жертву демонам,
38 и пролияша кровь неповинную, кровь сынов своих и дщерей, яже пожроша истуканным ханаанским, и убиена бысть земля их кровьми,	38 и проливали кровь невинную, кровь сыновей своих и дочерей, которых приносили в жертву истуканам Ханаанским, и погибла от их крови земля,
39 и осквернися в делех их, и соблудиша в начинаниих своих.	39 и осквернилась делами их, и впали они в блуд в обычаях своих.
40 И разгневася яростию Господь на люди Своя, и омерзи достояние Свое,	40 И разгневался яростью Господь на народ Свой, и возгнушался наследием Своим,
41 и предаде я в руки врагов, и обладаша ими ненавидящии их.	41 и предал их в руки врагов, и овладели ими ненавидящие их,
42 И стужиша им врази их, и смиришася под руками их.	42 и стеснили их враги их, и смирились они под руками их.
43 Множицею избави я, тии же преогорчиша Его советом своим и смиришася в беззакониих своих.	43 Многократно Он избавлял их, они же раздражали Его злым советом своим и терпели унижение в беззакониях своих.
44 И виде Господь, внегда скорбети им, внегда услышаше моление их.	44 И увидел Господь, когда теснили их, когда услышал Он моление их,
45 И помяну завет Свой, и раскаяся по множеству милости Своея,	45 и вспомнил Он завет Свой, и раскаялся по множеству милости Своей,
46 и даде я в щедроты пред всеми пленившими я.	46 и возбудил сострадание к ним у всех пленивших их.
47 Спаси ны, Господи Боже наш, и собери ны от язык исповедатися имени Твоему святому, хвалитися во хвале Твоей.	47 Спаси нас, Господи, Боже наш, и собери нас из народов, чтобы прославить имя святое Твоё, хвалиться хвалою Твоею.
48 Благословен Господь Бог Израилев от века и до века. И рекут вси людие: буди, буди.	48 Благословен Господь, Бог Израилев, от века и до века. И скажет весь народ: "Да будет, да будет!"
Слава:	Слава:

 

Исповедайтеся Господеви, яко Благ, яко в век милость. Его. Кто возглаголет силы Господни? Слышаны сотворит вся хвалы Его? Блажени хранящии суд и творящии правду во всякое время. Помяни нас, Господи, во благоволении людей Твоих, посети нас спасением Твоим. Видети во благости избранныя Твоя, возвеселитися в веселии языка Твоего, хвалитися с достоянием Твоим. Согрешихом со отцы нашими, беззаконновахом, неправдовахом. Отцы наши во Египте не разумеша чудес Твоих, ни помянуша множества милости Твоея и преогорчиша восходяще в Чермное море. И спасе их имене Своего ради, сказати силу Свою, и запрети Чермному морю, и изсяче, и настави я в бездне, яко в пустыни. И спасе я из руки ненавидящих, и избави я из руки врагов. Покры вода стужающыя им, ни един от них избысть. И вероваша словеси Его, и воспеша хвалу Его. Ускориша, забыша дела Его, не стерпеша совета Его и похотеша желанию в пустыни, и искусиша Бога в безводней. И даде им прошение их, посла сытость в душы их. И прогневаша Моисеа в стану, Аарона святаго Господня. Отверзеся земля и пожре Дафана, и покры на сонмищи Авирона, и разжжеся огнь в сонме их, пламень попали грешники. И сотвориша тельца в Хориве, и поклонишася истуканному, и измениша славу Его в подобие тельца ядущаго траву, и забыша Бога спасающаго их, сотворшаго велия во Египте, чудеса в земли Хамове, страшная в мори Чермнем. И рече потребити их, аще не бы Моисей, избранный Его, стал в сокрушении пред Ним, возвратити ярость Его, да не погубит их. И уничижиша землю желанную, не яша веры словеси Его, и поропташа в селениих своих, не услышаша гласа Господня. И воздвиже руку Свою на ня, низложити я в пустыни. И низложити семя их во языцех, и расточити я в страны. И причастишася Веельфегору, и снедоша жертвы мертвых. И раздражиша его в начинаниих своих, и умножися в них падение. И ста Финеес, и умилостиви, и преста сечь. И вменися ему в правду, в род и род до века. И прогневаша Его на воде пререкания, и озлоблен бысть Моисей их ради, яко преогорчиша дух его и разнствова устнами своима. Не потребиша языки, яже рече Господь им, и смесишася во языцех, и навыкоша делом их. И поработаша истуканным их, и бысть им в соблазн, и пожроша сыны своя и дщери свои бесовом, и пролияша кровь неповинную, кровь сынов своих и дщерей, яже пожроша истуканным ханаанским, и убиена бысть земля их кровьми, и осквернися в делех их, и соблудиша в начинаниих своих. И разгневася яростию Господь на люди Своя, и омерзи достояние Свое, и предаде и в руки врагов, и обладаша ими ненавидящии их. И стужиша им врази их, и смиришася под руками их. Множицею избави я, тии же преогорчиша Его советом своим и смиришася в беззакониих своих. И виде Господь, внегда скорбети им, внегда услышаше моление их. И помяну завет Свой, и раскаяся по множеству милости Своея, и даде я в щедроты пред всеми пленившими я. Спаси ны, Господи Боже наш, и собери ны от язык исповедатися имени Твоему святому, хвалитися во хвале Твоеи. Благословен Господь Бог Израилев от века и до века. И рекут вси людие: буди, буди.

Слава:

Псалом 106

Добавить в Любимые закладки

Аллилуиа	Аллилуиа.
1 Исповедайтеся Господеви, яко Благ, яко в век милость Его.	1 "Прославляйте Господа, ибо Он благ, ибо вовек милость Его", –
2 Да рекут избавлении Господем, ихже избави из руки врага	2 да скажут избавленные Господом, которых Он избавил из руки врага
3 и от стран собра их, от восток и запад, и севера, и моря.	3 и от стран собрал их, от востока, и запада, и севера, и моря.
4 Заблудиша в пустыни безводней, пути града обительнаго не обретоша.	4 Заблудились они в пустыне безводной, пути в город обитаемый не находили,
5 Алчуще и жаждуще, душа их в них исчезе.	5 терпели голод и жажду, душа их в них изнемогла.
6 И воззваша ко Господу, внегда скорбети им, и от нужд их избави я,	6 И воззвали ко Господу в скорби своей, и от бедствий их Он избавил их,
7 и настави я на путь прав, внити во град обительный.	7 и направил их на путь прямой, чтобы прийти в город обитаемый.
8 Да исповедятся Господеви милости Его, и чудеса Его сыновом человеческим,	8 Да исповедуют Господу милости Его и чудеса Его – сынам человеческим!
9 яко насытил есть душу тщу и душу алчущу исполни благ.	9 Ибо напитал Он душу истощённую и душу алчущую исполнил благ, –
10 Седящыя во тьме и сени смертней, окованныя нищетою и железом,	10 сидящих во тьме и тени смертной, скованных нищетою и железом,
11 яко преогорчиша словеса Божия и совет Вышняго раздражиша.	11 ибо возроптали они на слова Божии и волю Всевышнего раздражили.
12 И смирися в трудех сердце их, и изнемогоша, и не бе помогаяй.	12 И смирилось в трудах сердце их, и ослабели, и не было помощника.
13 И воззваша ко Господу, внегда скорбети им, и от нужд их спасе я,	13 И воззвали ко Господу в скорби своей, и от бедствий их Он спас их,
14 и изведе я из тьмы и сени смертныя, и узы их растерза.	14 и вывел их из тьмы и тени смертной, и узы их разорвал.
15 Да исповедятся Господеви милости Его, и чудеса Его сыновом человеческим,	15 Да исповедуют Господу милости Его и чудеса Его – сынам человеческим!
16 яко сокруши врата медная и вереи железныя сломи.	16 Ибо Он сокрушил врата медные и засовы железные сломил,
17 Восприят я от пути беззакония их, беззаконий бо ради своих смиришася.	17 взял их с пути беззакония их, ведь за беззакония свои были унижены.
18 Всякаго брашна возгнушася душа их, и приближишася до врат смертных.	18 Всякою пищей возгнушалась душа их, и приблизились они к вратам смерти,
19 И воззваша ко Господу, внегда скорбети им, и от нужд их спасе я,	19 и воззвали ко Господу в скорби своей, и от бедствий их Он спас их:
20 посла слово Свое и исцели я, и избави я от растлений их.	20 послал Слово Своё и исцелил их, и избавил их от развращений их.
21 Да исповедятся Господеви милости Его, и чудеса Его сыновом человеческим,	21 Да исповедуют Господу милости Его и чудеса Его – сынам человеческим!
22 и да пожрут Ему жертву хвалы, и да возвестят дела Его в радости.	22 И да принесут Ему жертву хвалы, и да возвестят дела Его в радости.
23 Сходящии в море в кораблях, творящии делания в водах многих,	23 Отправляющиеся в море в кораблях, делающие дело в водах многих,
24 тии видеша дела Господня и чудеса Его во глубине.	24 они видели дела Господни и чудеса Его в пучине.
25 Рече, и ста дух бурен, и вознесошася волны eго,	25 Сказал Он – и начался ветер бурный, и волны высоко поднялись от него:
26 восходят до небес и низходят до бездн, душа их в злых таяше:	26 восходят до небес и нисходят до бездн; душа их изнывала в бедствиях.
27 смятошася, подвигошася, яко пияный, и вся мудрость их поглощена бысть.	27 Смутились они, зашатались, как пьяный, и пропала вся мудрость их.
28 И воззваша ко Господу, внегда скорбети им, и от нужд их изведе я,	28 И воззвали ко Господу в скорби своей, и от бедствий их Он вывел их:
29 и повеле бури, и ста в тишину, и умолкоша волны eго.	29 и приказал буре, и настала тишина, и замолкли волны её;
30 И возвеселишася, яко умолкоша, и настави я в пристанище хотения своего.	30 и возрадовались, что утихли они, и указал Он им путь в пристань, желанную им.
31 Да исповедятся Господеви милости Его, и чудеса Его сыновом человеческим:	31 Да исповедуют Господу милости Его и чудеса Его – сынам человеческим!
32 да вознесут Его в церкви людстей и на седалищи старец восхвалят Его.	32 Да вознесут Его в собрании народа, и на седалище старейшин да восхвалят Его.
33 Положил есть реки в пустыню, и исходища водная в жажду,	33 Он превратил реки в пустыню и источники вод – в землю жаждущую;
34 землю плодоносную в сланость, от злобы живущих на ней.	34 землю плодоносную – в солончак, от злобы живущих на ней.
35 Положил есть пустыню во езера водная и землю безводную во исходища водная.	35 Превратил Он пустыню в озёра вод и землю безводную в источники вод,
36 И насели тамо алчущыя, и составиша грады обительны,	36 и поселил там алчущих, и они построили города для обитания,
37 и насеяша села, и насадиша винограды, и сотвориша плод житен.	37 и засеяли поля, и насадили виноградники, и получили плод от посаженного.
38 И благослови я, и умножишася зело, и скоты их не умали.	38 И благословил Он их, и умножились весьма, и скот их не умалил.
39 И умалишася, и озлобишася от скорби зол и болезни.	39 И умалились они и пострадали от угнетения, бедствий и муки.
40 Излияся уничижение на князи их, и облазни я по непроходней, а не по пути.	40 Излилось презрение на князей их, и Он оставил их блуждать по бездорожью, а не по пути.
41 И поможе убогу от нищеты и положи яко овцы отечествия.	41 И помог бедному от нищеты, и, как овец, устроил семейства.
42 Узрят правии и возвеселятся, и всякое беззаконие заградит уста своя.	42 Увидят праведные и возвеселятся, и всякое беззаконие заградит уста свои.
43 Кто премудр и сохранит сия? И уразумеют милости Господни.	43 Кто мудр и сохранит это? И уразумеют они милости Господа.
Слава:	Слава:

 

Исповедайтеся Господеви, яко Благ, яко в век милость Его. Да рекут избавлении Господем, ихже избави из руки врага и от стран собра их, от восток и запад, и севера, и моря. Заблудиша в пустыни безводней, пути града обительнаго не обретоша. Алчуще и жаждуще, душа их в них исчезе. И воззваша ко Господу, внегда скорбети им, и от нужд их избави я, и настави я на путь прав, внити во град обительный. Да исповедятся Господеви милости Его, и чудеса Его сыновом человеческим, яко насытил есть душу тщу и душу алчущу исполни благ. Седящыя во тьме и сени смертней, окованныя нищетою и железом, яко преогорчиша словеса Божия и совет Вышняго раздражиша. И смирися в трудех сердце их, и изнемогоша, и не бе помогаяй. И воззваша ко Господу, внегда скорбети им, и от нужд их спасе я, и изведе я из тьмы и сени смертныя, и узы их растерза. Да исповедятся Господеви милости Его, и чудеса Его сыновом человеческим, яко сокруши врата медная и вереи железныя сломи. Восприят я от пути беззакония их, беззаконий бо ради своих смиришася. Всякаго брашна возгнушася душа их, и приближишася до врат смертных. И воззваша ко Господу, внегда скорбети им, и от нужд их спасе я, посла слово Свое и исцели я, и избави я от растлений их. Да исповедятся Господеви милости Его, и чудеса Его сыновом человеческим, и да пожрут Ему жертву хвалы, и да возвестят дела Его в радости. Сходящии в море в кораблех, творящии делания в водах многих, тии видеша дела Господня и чудеса Его во глубине. Рече, и ста дух бурен, и вознесошася волны его, восходят до небес и низходят до бездн, душа их в злых таяше: смятошася, подвигошася, яко пияный, и вся мудрость их поглощена бысть. И воззваша ко Господу, внегда скорбети им, и от нужд их изведе я, и повеле бури, и ста в тишину, и умолкоша волны его. И возвеселишася, яко умолкоша, и настави я в пристанище хотения своего. Да исповедятся Господеви милости Его, и чудеса Его сыновом человеческим: да вознесут Его в церкви людстей и на седалищи старец восхвалят Его. Положил есть реки в пустыню, и исходища водная в жажду, землю плодоносную в сланость, от злобы живущих на ней. Положил есть пустыню во езера водная и землю безводную во исходища водная. И насели тамо алчущыя, и составиша грады обительны, и насеяша села, и насадиша винограды, и сотвориша плод житен. И благослови я, и умножишася зело, и скоты их не умали. И умилишася, и озлобишася от скорби зол и болезни. Излияся уничижение на князи их, и облазни я по непроходней, а не по пути. И поможе убогу от нищеты и положи яко овцы отечествия. Узрят правии и возвеселятся, и всякое беззаконие заградит уста своя. Кто премудр и сохранит сия? И уразумеют милости Господни.

Слава:

Псалом 107

Добавить в Любимые закладки

Песнь, псалом Давиду	Песнь-псалом Давида.
1 Готово сердце мое, Боже, готово сердце мое: воспою и пою во славе моей.	1 Готово сердце моё, Боже, готово сердце моё, буду петь и воспевать во славе моей.
2 Востани слава моя, востани псалтирю и гусли, востану рано.	2 Пробудись, слава моя, пробудись, псалтирь и гусли. Я проснусь с рассветом!
3 Исповемся Тебе в людех, Господи, пою Тебе во языцех.	3 Буду славить Тебя среди народов, Господи, воспевать Тебя среди племён,
4 Яко велия верху небес милость Твоя и до облак истина Твоя.	4 ибо велика, превыше небес, милость Твоя, и до облаков – истина Твоя.
5 Вознесися на Небеса, Боже, и пo всей земли слава Твоя,	5 Вознесись на небеса, Боже, и по всей земле – слава Твоя.
6 яко да избавятся возлюбленнии Твои: спаси десницею Твоею и услыши мя.	6 Чтобы избавились возлюбленные Твои, спаси десницею Твоею и услышь меня.
7 Бог возглагола во святем Своем: вознесуся и разделю Сикиму, и удоль селений размерю.	7 Бог сказал во святилище Своём: "Вознесусь и разделю Сихем, и долину шатров размерю.
8 Мой есть Галаад и Мой есть Манассий, и Ефрем заступление главы Моея, Иуда царь Мой.	8 Мой Галаад и Мой Манассия, и Ефрем – защита головы Моей, Иуда – царь Мой;
9 Моав коноб упования Моего, на Идумею наложу сапог Мой: Мне иноплеменницы покоришася.	9 Моав – купель надежды Моей, на Идумею простру обувь Мою, Мне иноплеменники покорились".
10 Кто введет мя во град ограждения? Или кто наставит мя до Идумеи?	10 Кто отведёт меня в город ограждённый, или кто доведёт меня до Идумеи?
11 Не Ты ли, Боже, отринувый нас? И не изыдеши, Боже, в силах наших?	11 Не Ты ли, Боже, отринувший нас? И не выйдешь Ты, Боже, среди воинств наших.
12 Даждь нам помощь от скорби, и суетно спасение человеческо.	12 Дай нам помощь в тесноте, – и тщетно спасение человеческое.
13 О Бозе сотворим силу, и Той уничижит враги наша.	13 В Боге мы проявим силу, и Он вменит в ничто врагов наших.

 

Готово сердце мое, Боже, готово сердце мое: воспою и пою во славе моей. Востани слава моя, востани псалтирю и гусли, востану рано. Исповемся Тебе в людех, Господи, пою Тебе во языцех. Яко велия верху небес милость Твоя и до облак истина Твоя. Вознесися на Небеса, Боже, и пo всей земли слава Твоя, яко да избавятся возлюбленнии Твой: спаси десницею Твоею и услыши мя. Бог возглагола во святем Своем: вознесуся и разделю сикиму, и удоль селений размерю. Мой есть Галаад и Мой есть Манассий, и Ефрем заступление главы Моея, Иуда царь Мой. Моав коноб упования Моего на Идумею наложу сапог Мой: Мне иноплеменницы покоришася. Кто введет мя во град ограждения? Или кто наставит мя до Идумеи? Не Ты ли, Боже, отринувый нас? И не изыдеши, Боже, в силах наших? Даждь нам помощь от скорби, и суетно спасение человеческо. О Бозе сотворим силу, и Той уничижит враги нашя.

Псалом 108

Добавить в Любимые закладки

В конец, псалом Давиду	К исполнению. Псалом Давида.
1 Боже, хвалы моея не премолчи,	1 Боже, на хвалу мою не промолчи!
2 яко уста грешнича и уста льстиваго на мя отверзошася, глаголаша на мя языком льстивым,	2 Ибо уста грешника и уста коварного против меня отверзлись, наговорили на меня языком коварным,
3 и словесы ненавистными обыдоша мя, и брашася со мною туне.	3 и словами ненависти окружили меня, и воевали со мной без причины.
4 Вместо еже любити мя, оболгаху мя, аз же моляхся,	4 Вместо любви ко мне клеветали на меня, а я молился;
5 и положиша на мя злая за благая, и ненависть за возлюбление мое.	5 и воздали мне злом за добро и ненавистью за любовь мою.
6 Постави на него грешника, и диавол да станет одесную eго.	6 Поставь над ним грешника, и клеветник да станет справа от него,
7 Внегда судитися eму, да изыдет осужден, и молитва eго да будет в грех.	7 когда будет он судиться, да выйдет осуждённым, и молитва его да будет в грех.
8 Да будут дние eго мали, и епископство eго да приимет ин:	8 Да будут дни его кратки, и должность его да примет другой;
9 да будут сынове eго сири, и жена eго вдова:	9 да будут сыновья его сиротами, и жена его – вдовою;
10 движущеся да преселятся сынове eго и воспросят, да изгнани будут из домов своих.	10 скитаясь, да переселятся сыновья его и нищенствуют, да будут изгнаны из развалин своих.
11 Да взыщет заимодавец вся, елика суть eго, и да восхитят чуждии труды eго.	11 Да взыщет заимодавец всё, что есть у него, и пусть разграбят чужие труды его;
12 Да не будет eму заступника, ниже да будет ущедряяй сироты eго.	12 да не будет у него заступника, и да не будет милующего сирот его;
13 Да будут чада eго в погубление, в роде едином да потребится имя eго.	13 пусть родятся дети его на погибель, в одном поколении да изгладится имя его.
14 Да воспомянется беззаконие отец eго пред Господем, и грех матере eго да не очистится.	14 Да воспомянется беззаконие отцов его пред Господом, и грех матери его да не изгладится;
15 Да будут пред Господем выну и да потребится от земли память их.	15 да будут пред Господом всегда, и да истребится с земли память о них
16 Занеже не помяну сотворити милость, и погна человека нища и убога, и умилена сердцем умертвити.	16 за то, что не подумал он оказать милость и преследовал человека бедного, и нищего, и сокрушённого сердцем, чтобы умертвить его.
17 И возлюби клятву, и приидет eму, и не восхоте благословения, и удалится от него.	17 И возлюбил он проклятие, и оно придёт к нему, и не восхотел благословения, и оно удалится от него.
18 И облечеся в клятву яко в ризу, и вниде яко вода во утробу eго, и яко елей в кости eго.	18 И оделся он проклятием, как одеждой, и вошло оно, как вода, во внутренности его и, как елей, – в кости его;
19 Да будет eму яко риза, в нюже облачится, и яко пояс, имже выну опоясуется.	19 да будет она ему как одежда, в которую он облачается, и как пояс, которым всегда опоясывается.
20 Сие дело оболгающих мя у Господа и глаголющих лукавая на душу мою.	20 Это – участь клевещущих на меня от Господа и говорящих злое на душу мою.
21 И ты, Господи, Господи, сотвори со мною имене ради Твоего, яко блага милость Твоя.	21 И Ты, Господи, Господи, сотвори со мною ради имени Твоего, ибо благо – милость Твоя.
22 Избави мя, яко нищ и убог есмь аз, и сердце мое смятеся внутрь мене.	22 Избавь меня, ибо нищ и беден я, и сердце моё смущено во мне.
23 Яко сень, внегда уклонитися ей, отъяхся, стрясохся яко прузи.	23 Как тень, когда уклоняется она, я исчез, стряхнули меня, как саранчу;
24 Колена моя изнемогоста от поста, и плоть моя изменися елеа ради.	24 колени мои ослабели от поста, и плоть моя изменилась, ибо нет елея.
25 И аз бых поношение им, видеша мя, покиваша главами своими.	25 И я стал поношением для них: увидели меня, покачали головами своими.
26 Помози ми, Господи Боже мой, и спаси мя по милости Твоей,	26 Помоги мне, Господи, Боже мой, спаси меня по милости Твоей,
27 и да разумеют, яко рука Твоя сия, и Ты, Господи, сотворил еси ю.	27 и да познают, что это – Твоя рука и Ты, Господи, соделал это.
28 Прокленут тии, и Ты благословиши, востающии на мя да постыдятся, раб же Твой возвеселится.	28 Проклянут они, а Ты благословишь; восстающие на меня да постыдятся, раб же Твой возвеселится.
29 Да облекутся оболгающии мя в срамоту, и одеждутся, яко одеждею, студом своим.	29 Пусть оденутся клевещущие на меня в стыд и да облекутся, как одеждой, позором своим.
30 Исповемся Господеви зело усты моими, и посреде многих восхвалю Его,	30 Я усердно прославлю Господа устами моими и посреди многих восхвалю Его,
31 яко предста одесную убогаго, еже спасти от гонящих душу мою.	31 ибо предстал Он справа от бедного, чтобы спасти от гонителей душу мою.
Слава:	Слава:

 

Боже, хвалы моея не премолчи, яко уста грешнича и уста льстиваго на мя отверзошася, глаголаша на мя языком льстивым, и словеси ненавистными обыдоша мя, и брашася со мною туне. Вместо еже любити мя, оболгаху мя, аз же моляхся, и положиша на мя злая за благая, и ненависть за возлюбление мое. Постави на него грешника, и диавол да станет одесную его. Внегда судитися ему, да изыдет осужден, и молитва его да будет в грех. Да будут дние его мали, и епископство его да приимет ин: да будут сынове его сири, и жена его вдова: движущеся да преселятся сынове его и воспросят, да изгнани будут из домов своих. Да взыщет заимодавец вся, елика суть его, и да восхитят чуждии труды его. Да не будет ему заступника, ниже да будет ущедряяй сироты его. Да будут чада его в погубление, в роде едином да потребится имя его. Да воспомянется беззаконие отец его пред Господем, и грех матере его да не очистится. Да будут пред Господем выну и да потребится от земли память их. Занеже не помяну сотворити милость, и погна человека нища и убога, и умилена сердцем умертвити. И возлюби клятву, и приидет ему, и не восхоте благословения, и удалится от него. И облечеся в клятву яко в ризу, и вниде яко вода во утробу его, и яко елей в кости его. Да будет ему яко риза, в нюже облачится, и яко пояс, имже выну опоясуется. Сие дело оболгающих мя у Господа и глаголющих лукавая на душу мою. И ты, Господи, Господи, сотвори со мною имене ради Твоего, яко блага милость Твоя. Избави мя, яко нищ и убог есмь аз, и сердце мое смятеся внутрь мене. Яко сень, внегда уклонитися ей, отъяхся, стрясохся яко прузи. Колена моя изнемогоста от поста, и плоть моя изменися елеа ради. И аз бых поношение им, видеша мя, покиваша главами своими. Помози ми, Господи Боже мой, и спаси мя по милости Твоей, и да разумеют, яко рука Твоя сия, и Ты, Господи, сотворил еси ю. Прокленут тии, и Ты благословиши, востающии на мя да постыдятся, раб же Твой возвеселится. Да облекутся оболгающии мя в срамоту, и одеждутся, яко одеждею, студом своим. Исповемся Господеви зело усты моими, и посреде многих восхвалю Его, яко предста одесную убогаго, еже спасти от гонящих душу мою.

Слава:

По 15-й кафисме

Добавить в Любимые закладки

Трисвятое по Отче наш:	Трисвятое по Отче наш:
Таже тропари, глас 1: Яко пучина многа прегрешений моих, Спасе, и люте погрузихся согрешеньми моими: даждь ми руку, яко Петрови, и спаси мя, Боже, и помилуй мя.	Тропари, глас 1: Как велика пучина грехов моих, Спаситель, и я бедственно пошёл ко дну от согрешений моих! Подай мне руку, как Петру, и спаси меня, Боже, и помилуй меня.
Слава: Яко помышлении лукавыми и делы осудихся, Спасе, мысль ми даруй обращения, Боже, да зову: спаси мя, Благодетелю Благий, и помилуй мя.	Слава: За мысли злые и дела я достоин осуждения, Спаситель, но даруй мне мысль об обращении, Боже, дабы я взывал: "Спаси меня, Благодетель Благой, и помилуй меня!"
И ныне: Богоблаженная Отроковице и Пренепорочная, скверна мя суща и окалянна от деяний безместных, и скверных помышлений, очисти мя, окаяннаго, Нескверная и Чистая, Всесвятая Мати Дево.	И ныне: Отроковица в Боге Блаженная и Пренепорочная, меня, скверного и нечистого от непристойных дел и скверных помышлений, очисти, несчастного, Незапятнанная и Чистая, Всесвятая Матерь-Дева.
Господи, помилуй (40) и молитва:	Господи, помилуй (40) и молитва:
Владыко Господи Иисусе Христе, Ты еси Помощник мой, в руках Твоих есмь аз, помози ми, не остави мене согрешити к Тебе, яко заблужден есмь, не остави мя последовати воли плоти моея, не презри мя, Господи, яко немощен есмь. Ты веси полезное мне, не остави мя погибнути грехи моими, не остави мя, Господи, не отступи от мене, яко к Тебе прибегох, научи мя творити волю Твою, яко Ты еси Бог мой. Исцели душу мою, яко согреших Ти, спаси мя ради милости Твоея, яко пред Тобою суть вси стужающии ми, и несть мне иное прибежище, токмо Ты, Господи. Да постыдятся убо вси востающии на мя и ишущии душу мою, еже потребити ю, яко Ты еси Един Сильный, Господи, во всех, и Твоя есть слава во веки веков, аминь.	Владыка Господи Иисусе Христе, Ты – помощник мой, я в руках Твоих; помоги мне, не допусти меня до греха пред Тобою, ибо я заблудился. Не оставь меня следовать воле плоти моей, не презри меня, Господи, ибо немощен я. Ты знаешь полезное мне, не оставь меня погибнуть от грехов моих, не оставь меня, Господи, не отступи от меня, ибо к Тебе я прибег, научи меня творить волю Твою, ибо Ты – Бог мой. Исцели душу мою, ибо я согрешил пред Тобою. Спаси меня по милости Твоей, ибо пред Тобою все теснящие меня и нет мне иного прибежища, кроме Тебя, Господи. Пусть же постыдятся все, восстающие на меня и ищущие душу мою, чтобы погубить её! Ибо Ты, Господи, Один среди всех Сильный, и Твоя слава во веки веков. Аминь.

 

Таже тропари, глас 1: Яко пучина многа прегрешений моих, Спасе, и люте погрузихся согрешеньми моими: даждь ми руку, яко Петрови, и спаси мя, Боже, и помилуй мя.

Слава: Яко помышлении лукавыми и делы осудихся, Спасе, мысль ми даруй обращения, Боже, да зову: спаси мя, Благодетелю Благий, и помилуй мя.

И ныне: Богоблаженная Отроковице и Пренепорочная, скверна мя суща и окалянна от деяний безместных, и скверных помышлений, очисти мя, окаяннаго, Нескверная и Чистая, Всесвятая Мати Дево.

Господи, помилуй (40) и молитва:

Владыко Господи Иисусе Христе, Ты еси Помощник мой, в руках Твоих есмь аз, помози ми, не остави мене согрешити к Тебе, яко заблужден есмь, не остави мя последовати воли плоти моея, не презри мя, Господи, яко немощен есмь. Ты веси полезное мне, не остави мя погибнути грехи моими, не остави мя, Господи, не отступи от мене, яко к Тебе прибегох, научи мя творити волю Твою, яко Ты еси Бог мой. Исцели душу мою, яко согреших Ти, спаси мя ради милости Твоея, яко пред Тобою суть вси стужающии ми, и несть мне иное прибежище, токмо Ты, Господи. Да постыдятся убо вси востающии на мя и ишущии душу мою, еже потребити ю, яко Ты еси Един Сильный, Господи, во всех, и Твоя есть слава во веки веков, аминь.