Кафисма 3

[-] Свернуть

Псалом 17

Добавить в Любимые закладки

В конец, отроку Господню Давиду, яже глагола Господеви словеса песни сея, в день, воньже избави его Господь от руки всех враг его, и из руки Саули, и рече:	К исполнению, отрока Господня Давида: то, что он сказал Господу – слова песни сей в день, когда избавил его Господь из руки всех врагов его, и из руки Саула, и он сказал:
1 Возлюблю Тя, Господи, крепосте моя.	1 Возлюблю Тебя, Господи, крепость моя,
2 Господь утверждение мое, и прибежище мое, и Избавитель Moй, Бог мой, Помощник мой, и уповаю на Него, Защититель мой, и рог спасения моего, и Заступник мой.	2 Господь – твердыня моя, и прибежище моё, и избавитель мой. Бог мой – помощник мой, и буду надеяться на Него; защитник мой, и рог спасения моего, и заступник мой.
3 Хваля призову Господа и от враг моих спасуся.	3 Восхваляя, призову Господа и от врагов моих спасусь.
4 Одержаша мя болезни смертныя, и потоцы беззакония смятоша мя,	4 Охватили меня муки смертные, и потоки беззакония смутили меня,
5 болезни адовы обыдоша мя, предвариша мя сети смертныя.	5 муки ада окружили меня, встретили меня сети смертные.
6 И внегда скорбети ми, призвах Господа, и к Богу моему воззвах, услыша от храма Святаго Своего глас мой, и вопль мой пред Ним внидет во уши Его.	6 И в тесноте моей я призвал Господа и к Богу моему воззвал, – услышал Он из храма святого Своего голос мой, и вопль мой пред Ним дойдёт до ушей Его.
7 И подвижеся, и трепетна бысть земля, и основания гор смятошася и подвигошася, яко прогневася на ня Бог.	7 И поколебалась, и в трепет пришла земля, и основания гор сотряслись и поколебались, ибо разгневался на них Бог.
8 Взыде дым гневом Его, и огнь от лица Его воспламенится, углие возгореся от Него.	8 Поднялся дым во гневе Его и огонь от лица Его воспламенился, угли возгорелись от Него.
9 И приклони небеса, и сниде, и мрак под ногама Его.	9 И наклонил Он небеса, и сошёл, и мрак под ногами Его.
10 И взыде на Херувимы, и лете, лете на крилу ветреню.	10 И взошёл на Херувимов и полетел, полетел на крыльях ветров.
11 И положи тму закров Свой, окрест Его селение Его, темна вода во облацех воздушных.	11 И сделал тьму покровом Своим: вокруг Него скиния Его, – тёмная вода во облаках воздушных.
12 От облистания пред Ним облацы проидоша, град и углие огненное.	12 От блистания пред Ним прошли облака, град и угли огненные.
13 И возгреме с Небесе Господь и Вышний даде глас Свой.	13 И возгремел с небес Господь и Всевышний дал голос Свой;
14 Низпосла стрелы и разгна я, и молнии умножи и смяте я.	14 послал стрелы – и рассеял их, и молнии умножил – и смутил их.
15 И явишася источницы воднии, и открышася основания вселенныя, от запрещения Твоего, Господи, от дохновения духа гнева Твоего.	15 И явились источники вод, и открылись основания вселенной от угрозы Твоей, Господи, от дуновения духа гнева Твоего.
16 Низпосла с высоты, и прият мя, восприят мя от вод многих.	16 Он послал с высоты и взял меня, принял меня из вод многих.
17 Избавит мя от врагов моих сильных и от ненавидящих мя, яко утвердишася паче мене.	17 Он избавит меня от врагов моих сильных и от ненавидящих меня, ибо они укрепились более меня.
18 Предвариша мя в день озлобления моего, и бысть Господь утвержение мое.	18 Настигли меня в день бедствия моего – и стал Господь опорою мне,
19 И изведе мя на широту, избавит мя, яко восхоте мя.	19 и вывел меня на простор, – Он избавит меня, ибо возжелал меня.
20 И воздаст ми Господь по правде моей и по чистоте руку моею воздаст ми.	20 И воздаст мне Господь по правде моей, и по чистоте рук моих воздаст мне,
21 Яко сохраних пути Господни и не нечествовах от Бога моего.	21 ибо я сохранил пути Господни и не отпал в нечестие от Бога моего,
22 Яко вся судьбы Его предо мною и оправдания Его не отступиша от мене.	22 ибо все суды Его предо мною, и повеления Его не отходили от меня.
23 И буду непорочен с Ним, и сохранюся от беззакония моего.	23 И буду непорочен с Ним и сохранюсь от беззакония моего.
24 И воздаст ми Господь по правде моей и по чистоте руку моею пред очима Его.	24 И воздаст мне Господь по правде моей и по чистоте рук моих пред очами Его.
25 С преподобным преподобен будеши, и с мужем неповинным неповинен будеши,	25 Со святым Ты поступишь свято, и с мужем неповинным безупречен будешь,
26 и со избранным избран будеши, и со строптивым развратишися.	26 и к избранному близок будешь, а строптивому воспрепятствуешь!
27 Яко Ты люди смиренныя спасеши и очи гордых смириши.	27 Ибо Ты народ смиренный спасёшь и очи надменных унизишь.
28 Яко Ты просветиши светильник мой, Господи, Боже мой, просветиши тму мою.	28 Ибо Ты засветишь светильник мой, Господи, Бог мой, озаришь Ты тьму мою.
29 Яко Тобою избавлюся от искушения и Богом моим прейду стену.	29 Ибо с Тобою я избавлюсь от искушения и с Богом моим преодолею стену.
30 Бог мой, непорочен путь Его, словеса Господня разжжена, Защититель есть всех уповающих на Него.	30 Бог мой! Непорочен путь Его, слова Господни огнём испытаны, Он – защитник всех, надеющихся на Него.
31 Яко кто бог, разве Господа? или кто бог, разве Бога нашего?	31 Ибо кто Бог, кроме Господа? и кто Бог, кроме Бога нашего?
32 Бог препоясуяй мя силою, и положи непорочен путь мой.	32 Бог опоясывает меня силою, и непорочным сделал Он путь мой;
33 Совершаяй нозе мои, яко елени, и на высоких поставляяй мя.	33 укрепляет ноги мои, как у оленя, и на высотах ставит меня;
34 Научаяй руце мои на брань, и положил еси лук медян мышца моя.	34 научает руки мои для войны, и луком медным сделал Он мышцы мои.
35 И дал ми еси защищение спасения, и десница Твоя восприят мя, и наказание Твое исправит мя в конец, и наказание Твое то мя научит.	35 И Ты дал мне защиту ко спасению, и десница Твоя поддержала меня; и наставление Твоё распрямило меня до конца; и наставление Твоё, – оно научит меня.
36 Уширил еси стопы моя подо мною, и не изнемогосте плесне мои.	36 Ты расширил шаги мои подо мною, и не ослабели стопы мои.
37 Пожену враги моя, и постигну я, и не возвращуся, дондеже скончаются.	37 Буду преследовать врагов моих, и настигну их, и не возвращусь, пока не сгинут они.
38 Оскорблю их, и не возмогут стати, падут под ногама моима.	38 Стесню их, и не смогут встать, падут под ноги мои.
39 И препоясал мя еси силою на брань, спял еси вся востающыя на мя под мя.	39 И Ты опоясал меня силою для войны, низверг всех восстающих на меня под ноги мои.
40 И врагов моих дал ми еси хребет, и ненавидящыя мя потребил еси.	40 И врагов моих обратил ко мне спиной и ненавидящих меня истребил.
41 Воззваша, и не бе спасаяй: ко Господу, и не услыша их.	41 Они вскричали – и не было спасителя, ко Господу – и Он не услышал их.
42 И истню я яко прах пред лицем ветра, яко брение путей поглажду я.	42 И измельчу их, как прах пред лицом ветра, как уличную грязь разровняю их.
43 Избавиши мя от пререкания людей, поставиши мя во главу языков. Людие, ихже не ведех, работаша ми.	43 Ты избавишь меня от распри народа, поставишь меня во главе племён; народ, которого я не знал, стал рабом моим,
44 В слух уха послушаша мя. Сынове чуждии солгаша ми.	44 по одному слуху повиновались мне. Сыны чужеземцев солгали мне,
45 Сынове чуждии обетшаша и охромоша от стезь своих.	45 сыны чужеземцев одряхлели и захромали, сбились с путей своих.
46 Жив Господь, и благословен Бог, и да вознесется Бог спасения моего.	46 Жив Господь и благословен Бог, и да будет превознесён Бог спасения моего.
47 Бог даяй отмщение мне и покоривый люди под мя.	47 Бог, совершающий мщение за меня и покоривший народы мне,
48 Избавитель мой от враг моих гневливых, от востающих на мя вознесеши мя, от мужа неправедна избавиши мя.	48 избавитель мой от врагов моих гневливых; от восстающих на меня Ты возвысишь меня, от мужа неправедного избавишь меня.
49 Сего ради исповемся Тебе во языцех, Господи, и имени Твоему пою:	49 Потому я прославлю Тебя среди народов, Господи, и имени Твоему буду петь,
50 величаяй спасения царева, и творяй милость христу Своему Давиду, и семени eго до века.	50 величественно спасающий царя и творящий милость помазаннику Своему Давиду и семени его навеки.
Слава:	Слава:

 

Возлюблю Тя, Господи, Крепосте моя. Господь Утверждение мое, и Прибежище мое, и Избавитель Moй, Бог мой, Помощник мой, и уповаю на Него, Защититель мой, и рог спасения моего, и Заступник мой. Хваля призову Господа и от враг моих спасуся. Одержаша мя болезни смертныя, и потоцы беззакония смятоша мя, болезни адовы обыдоша мя, предвариша мя сети смертныя. И внегда скорбети ми, призвах Господа, и к Богу моему воззвах, услыша от храма святаго Своего глас мой, и вопль мой пред Ним внидет во уши Его. И подвижеся, и трепетна бысть земля, и основания гор смятошася и подвигошася, яко прогневася на ня Бог. Взыде дым гневом Его, и огнь от лица Его воспламенится, углие возгореся от Него. И приклони небеса, и сниде, и мрак под ногама Его. И взыде на Херувимы, и лете, лете на крилу ветренню. И положи тму закров Свой, окрест Его селение Его, темна вода во облацех воздушных. От облистания пред Ним облацы проидоша, град и углие огненное. И возгреме с Небесе Господь и Вышний даде глас Свой. Низпосла стрелы и разгна я, и молнии умножи и смяте я. И явишася источницы воднии, и открышася основания вселенныя, от запрещения Твоего, Господи, от дохновения духа гнева Твоего. Низпосла с высоты, и прият мя, восприят мя от вод многих. Избавит мя от врагов моих сильных и от ненавидящих мя, яко утвердишася паче мене. Предвариша мя в день озлобления моего, и бысть Господь утверждение мое. И извел мя на широту, избавит мя, яко восхоте мя. И воздаст ми Господь по правде моей и по чистоте руку моею воздаст ми. Яко сохраних пути Господни и не нечествовах от Бога моего. Яко вся судьбы Его предо мною и оправдания Его не отступиша от мене. И буду непорочен с Ним, и сохранюся от беззакония моего. И воздаст ми Господь по правде моей и по чистоте руку моею пред очима Его. С преподобным преподобен будеши, и с мужем неповинным неповинен будеши, и со избранным избран будеши, и со строптивым развратишися. Яко Ты люди смиренныя спасеши и очи гордых смириши. Яко Ты просветиши светильник мой, Господи, Боже мой, просветиши тму мою. Яко Тобою избавлюся от искушения и Богом моим преиду стену. Бог мой, непорочен путь Его, словеса Господня разжжена, Защититель есть всех уповающих на Него. Яко кто бог, разве Господа? Или кто бог, разве Бога нашего? Бог препоясуяй мя силою, и положи непорочен путь мой. Совершаяй нозе мои, яко елени, и на высоких поставляяй мя. Научаяй руце мои на брань, и положил еси лук медян мышца моя. И дал ми еси защищение спасения, и десница Твоя восприят мя, и наказание Твое исправит мя в конец, и наказание Твое то мя научит. Уширил еси стопы моя подо мною, и не изнемогосте плесне мои. Пожену враги моя, и постигну я, и не возвращуся, дондеже скончаются. Оскорблю их, и не возмогут стати, падут под ногама моима. И препоясал мя еси силою на брань, спял еси вся востающыя на мя под мя. И врагов моих дал ми еси хребет, и ненавидящыя мя потребил еси. Воззваша, и не бе спасаяй: ко Господу, и не услыша их. И истню я яко прах пред лицем ветра, яко брение путей поглажду я. Избавиши мя от пререкания людей, поставиши мя во главу языков. Людие, ихже не ведех, работаша ми. В слух уха послушаша мя. Сынове чуждии солгаша ми. Сынове чуждии обетшаша и охромоша от стезь своих. Жив Господь, и благословен Бог, и да вознесется Бог спасения моего. Бог даяй отмщение мне и покоривый люди под мя. Избавитель мой от враг моих гневливых, от востающих на мя вознесеши мя, от мужа неправедна избавиши мя. Сего ради исповемся Тебе во языцех, Господи, и имени Твоему пою: величаяй спасения царева, и творяй милость христу Своему Давиду, и семени его до века.

Слава:

Псалом 18

Добавить в Любимые закладки

В конец, псалом Давиду	К исполнению. Псалом Давида.
1 Небеса поведают славу Божию, творение же руку Его возвещает твердь.	1 Небеса проповедуют славу Божию, о творении же рук Его возвещает твердь.
2 День дни отрыгает глагол, и нощь нощи возвещает разум.	2 День дню изливает речь, и ночь ночи возвещает знание.
3 Не суть речи, ниже словеса, ихже не слышатся гласи их.	3 Нет ни наречий, ни языков, на которых не слышатся их голоса.
4 Во всю землю изыде вещание их и в концы вселенныя глаголы их. В солнце положи селение Свое,	4 Во всю землю вышел голос их, и в концы вселенной речи их. В солнце Он устроил обитель Свою,
5 и Той, яко Жених исходяй от чертога Своего, возрадуется, яко Исполин тещи путь.	5 и оно, как жених, выходящий из брачного чертога своего, возрадуется, как исполин, пробежать путь.
6 От края небесе исход Его, и сретение Его до края небесе, и несть иже укрыется теплоты Его.	6 От края небес восход его, и нисхождение его – до края небес, и никто не укроется от теплоты его.
7 Закон Господень непорочен, обращаяй душы, свидетельство Господне верно, умудряющее младенцы.	7 Закон Господень непорочен, обращающий души, свидетельство Господне верно, умудряющее младенцев;
8 Оправдания Господня права, веселящая сердце, заповедь Господня светла, просвещающая очи.	8 повеления Господни правы, веселящие сердце, заповедь Господня светла, просвещающая очи;
9 Страх Господень чист, пребываяй в век века: судьбы Господни истинны, оправданы вкупе,	9 страх Господень чист, пребывающий во век века, суды Господни истинны, праведны все вместе,
10 вожделенны паче злата и камене честна многа, и слаждша паче меда и сота.	10 вожделеннее золота и многих камней драгоценных, и слаще мёда и сота.
11 Ибо раб Твой хранит я, внегда сохранити я, воздаяние много.	11 И вот, раб Твой хранит их; в соблюдении их – воздаяние многое.
12 Грехопадения кто разумеет? От тайных моих очисти мя,	12 Согрешения кто поймёт? От тайных дел моих очисти меня
13 и от чуждих пощади раба Твоего, аще не обладают мною, тогда непорочен буду и очищуся от греха велика.	13 и от чуждых сбереги раба Твоего. Если они не овладеют мною, тогда непорочен буду и очищен от греха великого.
14 И будут во благоволение словеса уст моих, и поучение сердца моего пред Тобою выну, Господи, Помощниче мой и Избавителю мой.	14 И будут во благоволение слова уст моих, и попечение сердца моего пред Тобою всегда, Господи, помощник мой и избавитель мой.

 

Небеса поведают славу Божию, творение же руку Его возвещает твердь. День дни отрыгает глагол, и нощь нощи возвещает разум. Не суть речи, ниже словеса, ихже не слышатся гласи их. Во всю землю изыде вещание их и в концы вселенныя глаголы их. В солнце положи селение Свое, и Той, яко Жених исходяй от чертога Своего, возрадуется, яко Исполин тещи путь. От края небесе исход Его, и сретение Его до края небесе, и несть иже укрыется теплоты Его. Закон Господень непорочен, обращая душы, свидетельство Господне верно, умудряющее младенцы. Оправдания Господня права, веселящая сердце, заповедь Господня светла, просвещающая очи. Страх Господень чист, пребываяй в век века: судьбы Господни истинны, оправданы вкупе, вожделенны паче злата и камене честна многа и слаждшия паче меда и сота. Ибо раб Твой хранит я, внегда сохранити я, воздаяние много. Грехопадения кто разумеет? От тайных моих очисти мя, и от чуждих пощади раба Твоего, аще не обладают мною, тогда непорочен буду и очищуся от греха велика. И будут во благоволение словеса уст моих, и поучение сердца моего пред Тобою выну, Господи, Помощниче мой и Избавителю мой.

Псалом 19

Добавить в Любимые закладки

В конец, псалом Давиду	К исполнению. Псалом Давида.
1 Услышит тя Господь в день печали, защитит тя имя Бога Иаковля.	1 Да услышит тебя Господь в день печали, да защитит тебя имя Бога Иакова,
2 Послет ти помощь от Святаго и от Сиона заступит тя.	2 да пошлёт Он тебе помощь из святилища и с Сиона да поддержит тебя.
3 Помянет всяку жертву твою, и всесожжение твое тучно буди.	3 Да вспомнит всякую жертву твою, и всесожжение твоё да соделает тучным.
4 Даст ти Господь по сердцу твоему и весь совет твой исполнит.	4 Да даст тебе Господь по сердцу твоему, и весь совет твой да исполнит.
5 Возрадуемся о спасении твоем и во имя Господа Бога нашего возвеличимся. Исполнит Господь вся прошения твоя.	5 Мы возрадуемся о спасении твоём и именем Господа, Бога нашего, возвеличимся. Да исполнит Господь все прошения твои!
6 Ныне познах, яко спасе Господь христа Своего, услышит eго с Небесе Святаго Своего, в силах спасение десницы Его.	6 Ныне познал я, что спас Господь помазанника Своего: Он услышит его с неба святого Своего; в могуществе – спасение десницей Его.
7 Сии на колесницах, и сии на конех, мы же во имя Господа Бога нашего призовем.	7 Эти – на колесницах, и эти – на конях, мы же имя Господа, Бога нашего, призовём.
8 Тии спяти быша и падоша, мы же востахом и исправихомся.	8 Эти споткнулись и упали, мы же встали и распрямились.
9 Господи, спаси царя и услыши ны, воньже аще день призовем Тя.	9 Господи, спаси царя и услышь нас в день, когда мы призовём Тебя.

 

Услышит тя Господь в день печали, защитит тя Имя Бога Иаковля. Послет ти помощь от Святаго и от Сиона заступит тя. Помянет всяку жертву твою, и всесожжение твое тучно буди. Даст ти Господь по сердцу твоему и весь совет твой исполнит. Возрадуемся о спасении твоем и во имя Господа Бога нашего возвеличимся. Исполнит Господь вся прошения твоя. Ныне познах, яко спасе Господь христа Своего, услышит Его с Небесе Святаго Своего, в силах спасение десницы Его. Сии на колесницах, и сии на конех, мы же во имя Господа Бога нашего призовем. Тии спяти быша и падоша, мы же востахом и исправихомся. Господи, спаси царя и услыши ны, воньже аще день призовем Тя.

Псалом 20

Добавить в Любимые закладки

Псалом Давиду	Псалом Давида.
1 Господи, силою Твоею возвеселится царь и о спасении Твоем возрадуется зело.	1 Господи, силою Твоею возвеселится царь, и о спасении Твоём весьма возрадуется.
2 Желание сердца eго дал еси eму, и хотения устну eго неси лишил eго.	2 Желание сердца его Ты дал ему, и о чем просили уста его, Ты не лишил его.
3 Яко предварил еси eго благословением благостынным, положил еси на главе eго венец от камене честна.	3 Ибо Ты встретил его во благоволениях благости, возложил на главу его венец из камней драгоценных.
4 Живота просил есть у Тебе, и дал еси eму долготу дний во век века.	4 Жизни он просил у Тебя, и Ты дал ему долгоденствие во век века.
5 Велия слава eго спасением Твоим, славу и велелепие возложиши на него.	5 Велика слава его во спасении Твоём; славу и великолепие Ты возложишь на него,
6 Яко даси eму благословение во век века, возвеселиши eго радостию с лицем Твоим.	6 ибо дашь ему благословение во век века, возвеселишь его радостью пред лицом Твоим.
7 Яко царь уповает на Господа, и милостию Вышняго не подвижится.	7 Ибо царь надеется на Господа и по милости Всевышнего не поколеблется.
8 Да обрящется рука Твоя всем врагом Твоим, десница Твоя да обрящет вся ненавидящыя Тебе.	8 Да настигнет рука Твоя всех врагов Твоих, десница Твоя да найдёт всех ненавидящих Тебя.
9 Яко положиши их яко пещь огненную во время лица Твоего, Господь гневом Своим смятет я, и снесть их огнь.	9 Ибо Ты сделаешь их, как печь огненную, во время явления Твоего: Господь во гневе Своём смутит их, и поглотит их огонь.
10 Плод их от земли погубиши, и семя их от сынов человеческих.	10 Плод их с земли истребишь и семя их – из среды сынов человеческих.
11 Яко уклониша на Тя злая, помыслиша советы, ихже не возмогут составити.	11 Ибо они навели на Тебя злое; задумали замыслы, которых не смогут исполнить.
12 Яко положиши я хребет, во избытцех Твоих уготовиши лице их.	12 Ибо Ты обратишь их вспять, остаток стрел Твоих направишь в лицо их.
13 Вознесися, Господи, силою Твоею, воспоем и поем силы Твоя.	13 Будь превознесён, Господи, в силе Твоей! Мы будем петь и воспевать могущество Твоё.
Слава:	Слава:

 

Господи, силою Твоею возвеселится царь и о спасении Твоем возрадуется зело. Желание сердца его дал еси ему, и хотения устну его неси лишил его. Яко предварил еси его благословением благостынным, положил еси на главе его венец от камене честна. Живота просил есть у Тебе, и дал еси ему долготу дний во век века. Велия слава его спасением Твоим, славу и велелепие возложиши на него. Яко даси ему благословение во век века, возвеселиши его радостию с лицем Твоим. Яко царь уповает на Господа, и милостию Вышняго не подвижится. Да обрящется рука Твоя всем врагом Твоим, десница Твоя да обрящет вся ненавидящыя Тебе. Яко положиши их яко пещь огненную во время лица Твоего, Господь гневом Своим смятет я, и снесть их огнь. Плод их от земли погубиши, и семя их от сынов человеческих. Яко уклониша на Тя злая, помыслиша советы, ихже не возмогут составити. Яко положиши я хребет, во избытцех Твоих уготовиши лице их. Вознесися, Господи, силою Твоею, воспоем и поем силы Твоя.

Слава:

Псалом 21

Добавить в Любимые закладки

В конец, о заступлении утреннем, псалом Давиду	К исполнению, о заступлении утреннем. Псалом Давида.
1 Боже, Боже мой, вонми ми, вскую оставил мя еси? Далече от спасения моего словеса грехопадений моих.	1 Боже, Боже мой, внемли мне, для чего Ты оставил меня? Удалила меня от спасения вина грехопадений моих.
2 Боже мой, воззову во дни, и не услышиши, и в нощи, и не в безумие мне.	2 Боже мой, я буду взывать днём – и Ты не услышишь; и ночью – и это не вменится в неразумие мне.
3 Ты же во Святем живеши, хвало Израилева.	3 Но Ты живёшь во святилище, Похвала Израиля!
4 На Тя уповаша отцы наши, уповаша и избавил еси я.	4 На Тебя уповали отцы наши; уповали, и Ты избавил их;
5 К Тебе воззваша, и спасошася, на Тя уповаша, и не постыдешася.	5 к Тебе воззвали – и спаслись, на Тебя уповали – и не постыдились.
6 Аз же есмь червь, а не человек, поношение человеков и уничижение людей.	6 А я червь, а не человек, поношение для людей и ничтожество в народе!
7 Вси видящии мя поругаша ми ся, глаголаша устнами, покиваша главою:	7 Все взирающие на меня поглумились надо мною, говорили устами, кивали головою:
8 упова на Господа, да избавит eго, да спасет eго, яко хощет eго.	8 "Он уповал на Господа, пусть избавит его, пусть спасёт его, ибо он угоден Ему!"
9 Яко Ты еси исторгий мя из чрева, упование мое от сосцу матере моея.	9 Ибо Ты – извлекший меня из чрева, надежда моя от сосцов матери моей,
10 К Тебе привержен есмь от ложесн, от чрева матере моея Бог мой еси Ты.	10 на Тебя оставлен я от утробы, от чрева матери моей – Ты Бог мой.
11 Да не отступиши от мене, яко скорбь близ, яко несть помогаяй ми.	11 Не отступи от меня, ибо скорбь близка, ибо нет помощника мне.
12 Обыдоша мя тельцы мнози, юнцы тучнии одержаша мя.	12 Окружило меня множество тельцов, быки тучные обступили меня,
13 Отверзоша на мя уста своя, яко лев восхищаяй и рыкаяй.	13 открыли против меня уста свои, как лев, хватающий и рычащий.
14 Яко вода излияхся, и разсыпашася вся кости моя, бысть сердце мое яко воск, таяй посреде чрева моего.	14 Как вода я разлился, и рассыпались все кости мои; стало сердце моё, как воск, тающий среди внутренности моей.
15 Изсше яко скудель крепость моя, и язык мой прильпе гортани моему, и в персть смерти свел мя еси.	15 Иссохла, как черепок, сила моя, и язык мой прилип к гортани моей, и в прах смерти Ты низвёл меня.
16 Яко обыдоша мя пси мнози, сонм лукавых одержаша мя, ископаша руце мои и нозе мои.	16 Ибо окружило меня множество псов, сборище злодеев обступило меня, пронзили руки мои и ноги мои.
17 Исчетоша вся кости моя, тии же смотриша и презреша мя.	17 Пересчитали все кости мои, сами же наблюдали и взирали на меня.
18 Разделиша ризы моя себе, и о одежди моей меташа жребий.	18 Разделили одежды мои себе и об одеянии моём бросали жребий.
19 Ты же, Господи, не удали помощь Твою от мене, на заступление мое вонми.	19 Ты же, Господи, не удали помощь Твою от меня, к заступлению меня обратись!
20 Избави от оружия душу мою, и из руки песии единородную мою.	20 Избавь от меча душу мою и из руки пса – одинокую мою.
21 Спаси мя от уст львовых и от рог единорожь смирение мое.	21 Спаси меня из пасти льва, и от рогов единорогов меня, смиренного.
22 Повем имя Твое братии моей, посреде церкве воспою Тя.	22 Возвещу имя Твоё братьям моим, посреди собрания воспою Тебя.
23 Боящиися Господа, восхвалите Его, все семя Иаковле, прославите Его, да убоится же от Него все семя Израилево.	23 Боящиеся Господа, восхвалите Его, всё семя Иакова, прославь Его, да убоится же Его всё семя Израиля!
24 Яко не уничижи, ниже негодова молитвы нищаго, ниже отврати лице Свое от мене, и егда воззвах к Нему, услыша мя.	24 Ибо Он не пренебрёг, и не вознегодовал на моление нищего, и не отвратил лица Своего от меня, и когда я воззвал к Нему, услышал меня.
25 От Тебе похвала моя, в церкви велицей исповемся Тебе, молитвы моя воздам пред боящимися Его.	25 От Тебя – хвала моя, в собрании великом я прославлю Тебя, обеты мои воздам пред боящимися Его.
26 Ядят убозии и насытятся, и восхвалят Господа взыскающии Его, жива будут сердца их в век века.	26 Будут есть бедные и насытятся, и восхвалят Господа ищущие Его: будут живы сердца их во век века.
27 Помянутся и обратятся ко Господу вси концы земли, и поклонятся пред Ним вся отечествия язык.	27 Вспомнят и обратятся ко Господу все концы земли, и поклонятся пред Ним все племена народов,
28 Яко Господне есть царствие, и Той обладает языки.	28 ибо Господне Царство, и Он владычествует над народами.
29 Ядоша и поклонишася вси тучнии земли, пред Ним припадут вси низходящии в землю, и душа моя Тому живет.	29 Поели и поклонились все тучные земли; пред Ним припадут все нисходящие в землю. И душа моя для Него живёт,
30 И семя мое поработает Ему, возвестит Господеви род грядущий.	30 и семя моё будет служить Ему, возвещено будет Господу о роде грядущем;
31 И возвестят правду Его людем рождшымся, яже сотвори Господь.	31 и возвестят они правду Его народу, который родится, – что сотворил Господь.

 

Боже, Боже мой, вонми ми, вскую оставил мя еси? Далече от спасения моего словеса грехопадений моих. Боже мой, воззову во дни, и не услышиши, и в нощи, и не в безумие мне. Ты же во Святем живеши, хвало Израилева. На Тя уповаша отцы наши, уповаша и избавил еси я. К Тебе воззваша, и спасошася, на Тя уповаша, и не постыдешася. Аз же есмь червь, а не человек, поношение человеков и уничижение людей. Вси видящии мя поругаша ми ся, глаголаша устнами, покиваша главою: упова на Господа, да избавит его, да спасет его, яко хощет его. Яко Ты еси исторгий мя из чрева, упование мое от сосцу матере моея. К Тебе привержен есмь от ложесн, от чрева матере моея Бог мой еси Ты. Да не отступиши от мене, яко скорбь близ, яко несть помогаяй ми. Обыдоша мя тельцы мнози, юнцы тучнии одержаша мя. Отверзоша на мя уста Своя, яко лев восхищаяй и рыкаяй. Яко вода излияхся, и разсыпашася вся кости моя, бысть сердце мое яко воск, таяй посреде чрева моего. Изсше яко скудель крепость моя, и язык мой прильпе гортани моему, и в персть смерти свел мя еси. Яко обыдоша мя пси мнози, сонм лукавых одержаша мя, ископаша руце мои и нозе мои. Исчетоша вся кости моя, тии же смотриша и презреша мя. Разделиша ризы моя себе, и о одежди моей меташа жребий. Ты же, Господи, не удали помощь Твою от мене, на заступление мое вонми. Избави от оружия душу мою, и из руки песии единородную мою. Спаси мя от уст львовых и от рог единорожь смирение мое. Повем имя Твое братии моей, посреде церкве воспою Тя. Боящиися Господа, восхвалите Его, все семя Иаковле, прославите Его, да убоится же от Него все семя Израилево. Яко не уничижи, ниже негодова молитвы нищаго, ниже отврати лице Свое от мене, и егда воззвах к Нему, услыша мя. От Тебе похвала моя, в церкви велицей исповемся Тебе, молитвы моя воздам пред боящимися Его. Ядят убозии и насытятся, и восхвалят Господа взыскающии Его, жива будут сердца их в век века. Помянутся и обратятся ко Господу вси концы земли, и поклонятся пред Ним вся отечествия язык. Яко Господне есть царствие, и Той обладает языки. Ядоша и поклонишася вси тучнии земли, пред Ним припадут вси низходящии в землю, и душа моя тому живет. И семя мое поработает Ему, возвестит Господеви род грядущий. И возвестят правду Его людем рождшымся, яже сотвори Господь.

Псалом 22

Добавить в Любимые закладки

Псалом Давиду	Псалом Давида.
1 Господь пасет мя, и ничтоже мя лишит.	1 Господь пасёт меня и ни в чём не даст мне нуждаться
2 На месте злачне, тамо всели мя, на воде покойне воспита мя.	2 на месте, где зелень обильна, – там Он меня поселил, у воды спокойной воспитал меня,
3 Душу мою обрати, настави мя на стези правды, имене ради Своего.	3 душу мою обратил, направил меня на пути правды ради имени Своего.
4 Аще бо и пойду посреде сени смертныя, не убоюся зла, яко Ты со мною еси, жезл Твой и палица Твоя, та мя утешиста.	4 Ведь если я и пойду посреди тени смертной, не устрашусь зла, ибо Ты – со мною: жезл Твой и посох Твой – они меня ободрили.
5 Уготовал еси предо мною трапезу сопротив стужающым мне, умастил еси елеом главу мою, и чаша Твоя упоявающи мя, яко державна.	5 Приготовил Ты пред лицом моим трапезу напротив теснящих меня, умастил елеем голову мою, и чаша Твоя опьяняет меня, как крепчайшая.
6 И милость Твоя поженет мя вся дни живота моего, и еже вселити ми ся в дом Господень, в долготу дний.	6 И милость Твоя будет следовать за мною во все дни жизни моей, и обитать мне в доме Господнем на долгие дни!

 

Господь пасет мя, и ничтоже мя лишит. На месте злачне, тамо всели мя, на воде покойне воспита мя. Душу мою обрати, настави мя на стези правды, имене ради Своего. Аще бо и пойду посреде сени смертныя, не убоюся зла, яко Ты со мною еси, жезл Твой и палица Твоя, та мя утешиста. Уготовал еси предо мною трапезу сопротив стужающым мне, умастил еси елеом главу мою, и чаша Твоя упоявающи мя, яко державна. И милость Твоя поженет мя вся дни живота моего, и еже вселити ми ся в дом Господень, в долготу дний.

Псалом 23

Добавить в Любимые закладки

Псалом Давиду, единыя от суббот	Псалом Давида, в первый день недели.
1 Господня земля, и исполнение ея, вселенная и вси живущии на ней.	1 Господня – земля и что наполняет её, вселенная и все, живущие в ней.
2 Той на морях основал ю есть, и на реках уготовал ю есть.	2 Он на морях основал её и на реках устроил её.
3 Кто взыдет на гору Господню? или кто станет на месте святем Его?	3 Кто взойдёт на гору Господню, или кто станет на месте святом Его?
4 Неповинен рукама и чист сердцем, иже не прият всуе душу свою, и не клятся лестию искреннему своему.	4 Неповинный руками и чистый сердцем, кто не предал суете душу свою и не клялся с коварством ближнему своему.
5 Сей приимет благословение от Господа, и милостыню от Бога, Спаса своего.	5 Тот получит благословение от Господа и милость от Бога, Спасителя своего.
6 Сей род ищущих Господа, ищущих лице Бога Иаковля.	6 Это – род ищущих Господа, ищущих лица Бога Иакова.
7 Возмите врата князи ваша, и возмитеся врата вечная, и внидет Царь славы.	7 Поднимите, князья, врата ваши, и поднимитесь, врата вечные, и войдёт Царь Славы.
8 Кто есть сей Царь славы? Господь крепок и силен, Господь силен в брани.	8 Кто этот Царь Славы? Господь крепкий и сильный, Господь сильный в битве.
9 Возмите врата князи ваша, и возмитеся врата вечная, и внидет Царь славы.	9 Поднимите, князья, врата ваши, и поднимитесь, врата вечные, и войдёт Царь Славы.
10 Кто есть сей Царь славы? Господь сил, Той есть Царь славы.	10 Кто этот Царь Славы? Господь Сил – Он Царь Славы!
Слава:	Слава:

 

Господня земля, и исполнение ея, вселенная и вси живущии на ней. Той на морях основал ю есть, и на реках уготовал ю есть. Кто взыдет на гору Господню? Или кто станет на месте святем Его? Неповинен рукама и чист сердцем, иже не прият всуе душу свою, и не клятся лестию искреннему своему. Сей приимет благословение от Господа, и милостыню от Бога, Спаса своего. Сей род ищущих Господа, ищущих лице Бога Иаковля. Возмите врата князи ваша, и возмитеся врата вечная, и внидет Царь славы. Кто есть сей Царь славы? Господь крепок и силен, Господь силен в брани. Возмите врата князи ваша, и возмитеся врата вечная, и внидет Царь славы. Кто есть сей Царь славы? Господь сил, Той есть Царь славы.

Слава:

По 3-й кафисме

Добавить в Любимые закладки

Трисвятое по Отче наш:	Трисвятое по Отче наш:
Таже тропари, глас 3: Живущи на земли, душе моя, покайся: персть во гробе не поет, прегрешений не избавляет. Возопий Христу Богу: Сердцеведче, согреших, прежде даже не осудиши мя, помилуй мя.	Тропари, глас 3: Живя на земле, душа моя, покайся: прах во гробе петь не может, и не избавиться тебе тогда от согрешений. Воззови Христу Богу: "Сердцеведец, согрешил я, прежде осуждения моего помилуй меня!"
Доколе, душе моя, пребываеши в прегрешениих? Доколе приемлеши покаяния преложение? Приими во уме суд грядущий и возопий Господу: Сердцеведче, согреших, прежде даже не осудиши мя,помилуй мя.	Доколе, душа моя, пребываешь в согрешениях? Доколе откладываешь время покаяния? Представь в уме Суд грядущий и воззови Господу: "Сердцеведец, согрешил я, прежде осуждения моего помилуй меня!"
Слава: На Страшном судищи без оглагольников обличаюся, без свидетелей осуждаюся, книги бо совестныя разгибаются, и дела сокровенная открываются. Прежде неже во оном всенародном позорищи имаши испытати, яже мною содеянная, Боже, очисти мя и спаси мя.	Слава: На Страшном Суде без обвинителей я обличаюсь, без свидетелей осуждаюсь, ибо книги совести раскрываются и дела сокровенные открываются. Прежде, чем на том всенародном зрелище будешь испытывать мною соделанное, Боже, очисти меня и спаси меня.
И ныне: Недоразумеваемое и непостижимое есть, Владычице Богоблагодатная, содеянное о Тебе страшное таинство: Необъемлемаго бо, заченши, родила еси плотию, обложеннаго от чистых кровей Твоих: Егоже, Чистая, яко Сына Твоего, моли спасти вся поющыя Тя.	И ныне: Непонятно и непостижимо, облагодатствованная Богом Владычица, совершившееся в Тебе страшное таинство: ибо зачав Необъятного, Ты родила Его, облеченного плотью от чистой крови Твоей. Моли Его, Чистая, как Сына Твоего, спасти всех воспевающих Тебя.
Господи, помилуй (40) и молитва:	Господи, помилуй (40) и молитва:
Господи Вседержителю, Слове Пребезначальнаго Отца, Самосовершенный Боже Иисусе Христе, милосердия ради безприкладнаго милости Твоея, никакоже разлучаяйся Твоих рабов, но присно в них почиваяй, не остави мя, раба Твоего, Всесвятый Царю, но даждь мне, недостойному, радование спасения Твоего и просвети мой ум светом познания Евангелиа Твоего, душу мою любовию Креста Твоего обяжи, тело же мое Твоим безстрастием украси, мысли умири и нозе мои сохрани от поползновения, и не погуби мя со беззаконьми моими, Благий Господи, но искуси мя, Боже, и вразуми сердце мое, испытай мя и увеждь стези моя, и виждь, аще путь беззакония во мне, и отврати от него, и настави мя на путь вечен. Ты бо еси Путь, и Истина, и Живот, и Тебе славу возсылаем со Безначальным Твоим Отцем и Пресвятым, и Благим, и Животворящим Духом ныне и присно и во веки веков, аминь.	Господи Вседержитель, Слово Пребезначального Отца, Сам совершенный Бог, Иисусе Христе, по милосердию беспримерной милости Твоей никогда не покидающий Твоих рабов, но всегда в них пребывающий! Не оставь меня, раба Твоего, Всесвятой Царь, но даруй мне, недостойному, радость о спасении Твоём и просвети мой ум светом познания Евангелия Твоего, душу мою любовью ко Кресту Твоему свяжи, тело же моё укрась бесстрастием Твоим, мыслям даруй мир, и ноги мои сохрани от преткновения. И не погуби меня с беззакониями моими, благой Господи, но испытай меня, Боже, и вразуми сердце моё, исследуй меня и познай стези мои, и посмотри, есть ли путь беззакония во мне, и отврати от него, и направь меня на путь вечный. Ибо Ты путь, и истина, и жизнь, и Тебе славу воссылаем со Безначальным Твоим Отцом, и Пресвятым, и Благим, и Животворящим Духом ныне, и всегда, и во веки веков. Аминь.

 

Таже тропари, глас 3:
Живущи на земли, душе моя, покайся: персть во гробе не поет, прегрешений не избавляет. Возопий Христу Богу: Сердцеведче, согреших, прежде даже не осудиши мя, помилуй мя. Доколе, душе моя, пребываеши в прегрешениих? Доколе приемлеши покаяния преложение? Приими во уме суд грядущий и возопий Господу: Сердцеведче, согреших, прежде даже не осудиши мя, помилуй мя.
Слава: На Страшном судиши без оглагольников обличаюся, без свидетелей осуждаюся, книги бо совестныя разгибаются, и дела сокровенная открываются. Прежде неже во оном всенародном позорищи имаши испытати, яже мною содеянная, Боже, очисти мя и спаси мя.
И ныне: Недоразумеваемое и непостижимое есть, Владычице Богоблагодатная, содеянное о Тебе страшное таинство: Необъемлемаго бо, заченши, родиля еси, плотию обложеннаго от чистых кровей Твоих: Егоже, Чистая, яко Сына Твоего, моли спасти вся поющыя Тя.

Господи, помилуй (40) и молитва:
Господи Вседержителю, Слове Пребезначальнаго Отца, Самосовершенный Боже Иисусе Христе, милосердия ради безприкладнаго милости Твоея, никакоже разлучаяйся Твоих рабов, но присно в них почиваяй, не остави мя, раба Твоего, Всесвятый Царю, но даждь мне, недостойному, радование спасения Твоего и просвети мой ум светом познания Евангелиа Твоего, душу мою любовию Креста Твоего обяжи, тело же мое Твоим безстрастием украси, мысли умири и нозе мои сохрани от поползновения, и не погуби мя со беззаконьми моими, Благий Господи, но искуси мя, Боже, и вразуми сердце мое, испытай мя и увеждь стези моя, и виждь, аще путь беззакония во мне, и отврати от него, и настави мя на путь вечен. Ты бо еси Путь, и Истина, и Живот, и Тебе славу возсылаем со Безначальным Твоим Отцем и Пресвятым, и Благим, и Животворящим Духом ныне и присно и во веки веков, аминь.