Псалтирь

Аллилуиа

1 Исповедайтеся Господеви, и призывайте имя Его, возвестите во языцех дела Его.

2 Воспойте Ему и пойте Ему, поведите вся чудеса Его.

Аллилуиа

1 Исповедайтеся Господеви, яко Благ, яко в век милость Его.

2 Да речет убо дом Израилев: яко Благ, яко в век милость Его.

В конец, песнь псалма воскресения

1 Воскликните Господеви, вся земля, пойте же имени Его, дадите славу хвале Его.

2 Рцыте Богу: коль страшна дела Твоя? Во множестве силы Твоея солжут Тебе врази Твои.

Песнь степеней

1 Надеющиися на Господа, яко гора Сион: не подвижится в век живый во Иерусалиме.

2 Горы окрест eго, и Господь окрест людей Своих отныне и до века.

Песнь степеней

1 Аще не Господь созиждет дом, всуе трудишася зиждущии. Аще не Господь сохранит град, всуе бде стрегий.

2 Всуе вам есть утреневати, востанете по седении, ядущии хлеб болезни, егда даст возлюбленным Своим сон.

В конец, о изменшихся, свидение Асафу, псалом

1 Пасый Израиля вонми: наставляяй яко овча Иосифа, седяй на Херувимех, явися,

2 пред Ефремом и Beниамином и Манассием, воздвигни силу Твою, и прииди во еже спасти нас.

Псалом Давиду

1 Господи, воззвах к Тебе, услыши мя: вонми гласу моления моего, внегда воззвати ми к Тебе.

2 Да исправится молитва моя, яко кадило пред Тобою, воздеяние руку моею – жертва вечерняя.

Псалом песни в день субботный

1 Благо есть исповедатися Господеви, и пети имени Твоему, Вышний:

2 возвещати заутра милость Твою и истину Твою на всяку нощь,

Трисвятое по Отче наш:

Таже тропари, глас 8: Яко блудница припадаю Ти, да прииму оставление, и вместо мира слезы от сердца приношу Ти, Христе Боже: да яко оную ущедриши мя, Спасе, и подаси очищение грехов. Яко оная бо зову Ти: избави мя от тимения дел моих.

Трисвятое по Отче наш:

Таже тропари, глас 1: Ин мир тебе, душе, ожидает, и Судия хощет Твоя обличити тайная и лютая. Не пребуди убо в здешних, но предвари вопиющи Судии: Боже, очисти мя и спаси мя.

В конец, в песнех, псалом песни Давиду

1 Боже, ущедри ны и благослови ны, просвети лице Твое на ны и помилуй ны.

2 Познати на земли путь Твой, во всех языцех спасение Твое.

Столпописание, Давиду

1 Сохрани мя, Господи, яко на Тя уповах.

2 Рех Господеви: Господь мой eси Ты, яко благих моих не требуеши.

Псалом Давиду, исхода скинии

1 Принесите Господеви сынове Божии, принесите Господеви, сыны овни, принесите Господеви славу и честь.

2 Принесите Господеви славу имени Его, поклонитеся Господеви во дворе святем Его.

В конец, псалом Давиду

1 Блажен разумеваяй на нища и убога, в день лют избавит eго Господь.

2 Господь да сохранит eго и живит eго, и да ублажит eго на земли, и да не предаст eго в руки врагов eго.

В конец, в песнех разума Асафу, псалом

1 Внуши, Боже, молитву мою и не презри моления моего.

2 Вонми ми и услыши мя: возскорбех печалию моею и смятохся.

Псалом Давиду, не надписан у еврей

1 Блажен муж, иже не иде на совет нечестивых и на пути грешных не ста, и на седалищи губителей не седе,

2 но в законе Господни воля eго, и в законе Его поучится день и нощь.

Молитва Давиду

1 Услыши, Господи, правду мою, вонми молению моему, внуши молитву мою не во устнах льстивых.

2 От лица Твоего судьба моя изыдет, oчи мои да видита правоты.

Псалом песни, обновления дому Давидова,

1 Вознесу Тя, Господи, яко подъял мя еси, и не возвеселил еси врагов моих о мне.

2 Господи Боже мой, воззвах к Тебе, и исцелил мя еси.

В конец, в разум сынов Кореовых, псалом Давиду, не надписан у еврей

1 Имже образом желает елень на источники водныя, сице желает душа моя к Тебе, Боже.

Трисвятое по Отче наш:

Таже тропари, глас 5: Судии седящу, и Ангелом стоящым, трубе гласящей, пламени горящу, что сотвориши, душе моя, ведома на суд? тогда бо лютая твоя предстанут, и тайная обличатся согрешения. Темже прежде конца возопий Судии: Боже, очисти мя и спаси мя.

Псалом Давиду

1 Вскую шаташася языцы, и людие поучишася тщетным?

2 Предсташа царие земстии, и князи собрашася вкупе на Господа и на Христа Его.